* Cîgirê Hevserokên Giştî yê DEM Partiyê Mehmet Ruştu Tiryakî destnîşan kir ku ji bo hêviya gel ji pêvajoyê qut nebe, lazim e dewlet jî hinek gavan biavêje û wiha got: “Îro roja avêtina gavan û çêkirina qanûnan e.”
* Bîrsen Guneş ku ev 35 sal in li Odaya Avahisazan a Amedê kedê dide, çîroka xwe ya serkeftinê û avakirina nasnameya jinan parve kir. Bîrsen Guneş anî ziman ku wê bi xebata xwe tirsên xwe derbas kirine û wiha got: “Min ji xebata xwe hêz girt, niha ez bi xwe biryara xwe didim.”
* Seroka Sendîkaya Genel Îşê ya girêdayî DÎSKê ya hejmara 5an a Stenbolê Nebîle Irmak Çetîn diyar kir ku li gorî UNICEF û Rêxistina Xebatê ya Navneteweyî li tevahî cîhanê nêzîkî 138 milyon zarokên karker hene ku ji wan 54 milyon zarokên karker di bin metirsîdariyê de tên xebitandin û wiha got: “Divê pergalek ji bo zarokan were avakirin ku zarok tê de bi azad û wekhev bijîn.”
* Çemê Muradê di navbera kana zêran a Agiriyê û JESa Mûşê de ber bi tinebûnê ve diçe. Ev her du projeyên talanker gefê li xwezayê û 16 gundan dixwin û metirsiya erdhej û koçberiyê zêde dikin.
* Li Gundê Porê yê li navçeya Tetwanê ya Bedlîsê di nava zinaran de şikeftên hatine çêkirin hem şopên dîrokî yên Ûrartûyan dihewîne hem jî bî dîmenên xwe ve dişibe şibakeyek ji bihûştê.
* Tehîna ku berê bi aşên avê dihat hêrandin, niha bi makîneyên ceyranê tê çêkirin. Tevî aliyê xwe yê xerab jî, ji bo debara welatiyan derketina van makineyan derfet e ku bikaribin debara mala xwe bikin.
* Saziyên rojnamegeran û gelek rojnameger ji bo rojnamegerên girtî dê li Qada Şîşxaneyê ya Stenbolê daxuyanî bide. (19:00)
