Jinên Wanî bi pêşengiya Şaredariya Artemêtan li Bostana Komîn a Jinan şitil çandin û bal kişandin ser keda jinê.
Şaredariye Artemêtan, di çarçoveya xebatên jinan de li Bostana Komîn a Jinên Artêmêtan a li Taxa Selahattîn Eyyubî şitil çandin. Jin bi lêdana defan û gotina stranan derbasî nav bostanê bûn û li vir şitilên ewil ên biharê çandin. Tevî hevşaredaran, Hevberdevka Însiyatîfa Yekitiya Demokratîk û parlementer Gulcan Kaçmaz Sayyîgît, Dayikên Aştiyê û gelek jin tev li bernameyê bûn .
Jinan beriya çandina şitilan bal kişandin ser keda jinê û diyar kirin ku pergal hertim jinê derveyî hilberînê dihêle. Piştre jinan dest bi danîna şitilên bacanên sor, îsot, xiyar hwd. kirin.
Bername bi dirûşma “Jin jiyan azadî” bi dawî bû.
