Werzişvana Şaredariya Bajarê Mezin a Amedê Nazli Bozkûrt, di Şampiyoniya Karateyê ya Shotokan a Cîhanê ya WSFê de ku li Stenbolê hat lidarxistin, hemû hevrikên xwe têk bir û madalyaya zêr qezenc kir. Nazli Bozkûrt di fînalê de hevrika xwe ya Kazakistanî têk bir û bû şampiyona cîhanê.
Karatevan Nazli Bozkûrt a di bin banê Serokatiya Daîreya Xizmetên Ciwanan û Werzişê ya Şaredariya Bajarê Mezin a Amedê de, di qada navneteweyî de serkeftineke pir giring bi dest xist. Nazli Bozkûrt a ku di navbera 24-26ê Nîsana 2026an de li Stenbolê di Şampiyoniya Karateyê ya Shotokan a WSFê ya Navneteweyî de têkoşîya, bi performansa xwe ya baş bû şampiyona cîhanê.
Ji 17 welatan hezar û 200 karatevan beşdar bûn
Ji 17 welatan nêzîkî hezar û 200 karatevan beşdarî vê şampiyoniyê bûn ku di nav organîzasyonên giring ên karateyê de cih digire. Di pêşbaziyên ku sê rojan berdewam kir de, karatevanan ji bo ku di kategoriyên cuda de serkeftinekê bi dest bixin, bi awayek dijwar têkoşiyan.
Hemû hevrikên xwe têk bir û derket fînalê
Karatevana 20 salî ya Şaredariya Bajarê Mezin a Amedê Nazli Bozkûrt, di tevahiya tûrnûvayê de hemû hevrikên ku derketin pêşberî wê têk bir û derket fînalê. Nazli Bozkûrt, performansa xwe ya serkeftî di pêşbirka fînalê de jî domand, hevrika xwe ya Kazakistanî jî têk bir û bû xwediyê madalyaya zêr.
Nazli Bozkurt bi vê şampiyoniyê re, di qada navneteweyî de hem Amed û hem jî Tirkiye bi serkeftî temsîl kir. Ev serkeftina Nazli Bozkurtê, di heman demê de encameke giring a xebatên Şaredariya Bajarê Mezin a Amedê ya di qada werzişê de nîşan da. Bi vê serkeftina werzîşvana ciwan Nazli Bozkûrtê ku bû şampiyona cîhanê bajêr serbilind bû.
