Baroya Sêrtê, ÎHD, TMMOB, KESK ji ber tayînkirina qeyûm serdana hevşaredaran û DEM Partiyê kirin û piştgiriya xwe diyar kirin.
Baroya Sêrtê, Şaxa Komeleya Mafên Mirovan a Sêrtê (ÎHD), TMMOB û KESKê ji ber tayînkirina qeyûmê ser Şeredariya Sêrtê, serdana Rêxistina DEM Partiyê ya Sêrtê û Hevşaredarên Sêrtê kirin. Di serdanê de Serokê Baroya Sêrtê, nûnerên saziyan bi hevşeredarên Sêrtê Sofya Alagaş, Mehmet Kaysî, parlamenterên DEM Partî Sebahat Erdogan Saritaş, Huseyîn Olan û rêveberên DEM Partiyê amade bûn û nûnerên saziyên sivîl piştgiriya xwe diyar kirin.
Nûnerên saziyan destnîşan kir ku biryara qeyûm li dijî hiqûqê ye.
Hevşaredar Mehmet Kaysî jî anî ziman ku ew biryara qeyûm nas nakin û têkoşîna xwe ya li dijî qeyûm wê bidomînin.
Parlamentera Sêrtê Sebahat Erdogan Saritaş jî bi lêv kir ku piştgiriya hemû saziyên Sêrtê watedar e û çalakiyên wan ên li dijî tayînkirina qeyûm wê berdewam bikin.
