• Kurmancî
  • Kirmanckî
  • |
  • Derbarê Me De
  • |
[email protected]
Ajansa Welat
21 MIJDAR 2026
Encamek nîn e
View All Result
  • ROJANE
    TOHAV parêzerên Kurd ên hatine qetilkirin bi bîr anî

    TOHAV parêzerên Kurd ên hatine qetilkirin bi bîr anî

    Zarokan ji bo Ocalan wêne xêz kirin

    Zarokan ji bo Ocalan wêne xêz kirin

    YNK û PDKê li Hewlêrê hevdîtin pêk anîn

    YNK û PDKê li Hewlêrê hevdîtin pêk anîn

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Aqûbeta jinên ku hatine qetilkirin û windakirin pirsîn

    Aqûbeta jinên ku hatine qetilkirin û windakirin pirsîn

    ‘Bi avakirina komînan em ê di vê pêvajoyê de bigihijin serkeftinê’

    ‘Bi avakirina komînan em ê di vê pêvajoyê de bigihijin serkeftinê’

  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • HEMÛ NÛÇE
  • ROJANE
    TOHAV parêzerên Kurd ên hatine qetilkirin bi bîr anî

    TOHAV parêzerên Kurd ên hatine qetilkirin bi bîr anî

    Zarokan ji bo Ocalan wêne xêz kirin

    Zarokan ji bo Ocalan wêne xêz kirin

    YNK û PDKê li Hewlêrê hevdîtin pêk anîn

    YNK û PDKê li Hewlêrê hevdîtin pêk anîn

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Tulay Hatîmogullari: Ji bo pêvajoyê piştgiriya herî xurt berdana girtiyên nexweş e

    Aqûbeta jinên ku hatine qetilkirin û windakirin pirsîn

    Aqûbeta jinên ku hatine qetilkirin û windakirin pirsîn

    ‘Bi avakirina komînan em ê di vê pêvajoyê de bigihijin serkeftinê’

    ‘Bi avakirina komînan em ê di vê pêvajoyê de bigihijin serkeftinê’

  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • HEMÛ NÛÇE
Encamek nîn e
View All Result
Ajansa Welat
Encamek nîn e
View All Result

Li 56 girtîgehên Îranê banga mezinkirina têkoşînê

Navenda Nûçeyan / AW

19 GULAN 2026 - 13:12
Kategorî: MANŞET, ROJANE
A A
Girtiyên siyasî yên li zindanên Îran û Rojhilatê Kurdistanê ku çalakiya xwe ya “Sêşemên Na Ji Darvekirinan Re” didomînin, di hefteya 121emîn de li 56 girtîgehên cuda dest bi greva birçîbûnê kirin. Girtiyan diyar kir ku rejîma Îranê darvekirinan wekî “amûra teror û zexta dewletê” bi kar tîne û bang li hemû pêkhateyên civakê kirin ku li dijî darvekirinan dengê xwe bilind bikin.

Li dijî pêla darvekirinan a ku Komara Îslamî ya Îranê wekî çekeke tirsandinê li ser civakê ferz dike, çalakiya greva birçîbûnê ya bi navê “Sêşemên Na Ji Darvekirinan Re” ku ji aliyê girtiyên siyasî ve hatibû destpêkirin, bi biryardarî dewam dike. Rêveberiya kampanyayê bi daxuyaniyekê ragihand ku di hefteya 121emîn a çalakiyê de, girtiyên li 56 girtîgehên cuda yên seranserê Îran û Rojhilatê Kurdistanê careke din ketine greva birçîbûnê. Di daxuyaniyê de, cezayên darvekirinê wekî “amûra sereke ya tepeserkirinê ya dewletê” hatin binavkirin. Hikumeta Îranê bi wê yekê hat tawanbarkirin ku ji bo di nava civakê de atmosfereke tirs û xofê biafirîne, bi awayekî sîstematîk tundiyê bi kar tîne.

‘Darvekirin amûra tirsandinê ye’

Daxuyanî balê dikişîne ser kuştin û zextên dawî yên li girtîgehan û wiha didome: “Hefteya borî, rejîma derqanûnî ya ‘Wîlayeta Feqîh’ girtiyê siyasî yê Belûc Ebdulcelîl Şahbexş li Zindana Zahîdanê û her wiha Mihemed Ebasî yê ku di dema Serhildana Jin, Jiyan, Azadî de hatibû girtin, bi hinceta ‘beşdariya di xwepêşandanan de’ darve kirin. Di heman demê de, keça Mihemed Ebasî, Fatîme Ebasî jî bi 25 sal cezayê girtîgehê hat cezakirin û niha li Zindana Evînê tê ragirtin.” Ev yek wekî mînakeke şênber a zexta giran a li ser malbatên xwepêşanderan hat nirxandin.

‘Bi tirsa têkçûnê dixwaze civakê bitirsîne’

Girtiyan destnîşan kir ku dîktatoriya desthilatdar, ji tirsa rûxandinê hewl dide bi pêkanîna darvekirinên hovane civakê bitirsîne û ev peyam dan: “Zêdetirî du mehan e desthilatdariya despotîk a Îranê bi hêzên xwe yên paramîlîter û milîsên girêdayî rejîmê, kolanên bajaran dagir kirine. Bi eşkereyî perwerdeya çekan didin û zarokan di van qadan de bi kar tînin da ku şîdetê li dijî welatiyan saz bikin. Em her roj li kêleka girtiyên siyasî, dibin şahidê darvekirina ciwanan. Eger rejîm îro ciwanan yek bi yek darve dike, ev ji ber wê yekê ye ku van ciwanan cudakariya çînî dîtine û bûne şahidê gendelî û talankirina sîstematîk. Ew wan darve dikin da ku civakê bitirsînin; lê belê ev tundî li şûna teslîmgirtinê, tovên hişmendî, berxwedan û serhildanê di dilê wan de diçîne.”

Banga bilindkirina têkoşînê

Girtiyan anîn ziman ku cezayê darvekirinê ne biryareke darazê ya asayî ye û wiha gotin: “Me gelek caran gotiye; cezayê mirinê bêyî ku cureyê sûc çi be, ne tenê biryareke neheq e ku mafê jiyanê ji mirovan digire, di heman demê de amûreke zext û kuştinê ye ku ji hêla dewletê ve tê bikaranîn û xwedî kokên polîtîk, çînî û îdeolojîk e.” Di daxuyaniyê de ev bangawazî hat kirin: “Em bawer dikin ku divê ev darvekirin bi teslîmbûnê neyên pêşwazîkirin. Eşkerekirina dijberiya eşkere û pratîkî ya li hemberî darvekirinan, îro ji bo muxalîfan pîvaneke girîng e. Wekî kampanyaya ‘Sêşemên Na Ji Darvekirinan Re’, em bang li hemû çalakvanên siyasî, parêzvanên mafên mirovan, rêxistinên sivîl û pîşeyî dikin ku ji bo rawestandina darvekirinan zêdetir bibin yek. Em ji karker, mamoste, xwendekar û xanenişînan dixwazin ku dengê xwe bigihînin wijdanê civaka navneteweyî.”

Li 56 girtîgehan grev heye

Li gorî daxuyaniyê, di hefteya 121emîn a çalakiyê de girtiyên ku di nava wan de yên Girtîgeha Evîn, Qezelhesar, Navenda Kerecê, Ferdîs, Tehrana Mezin, Qerçek, Weramîn, Qezwîn, Eher, Erak, Qûm, Xuremabad, Borûcerd, Yasûc, Îsfehan, Ehwaz, Şîraz, Zahîdan, Yezd, Meşhed, Tebrîz, Urmiye, Sine û gelek navendên din hene, li 56 girtîgehan ketine greva birçîbûnê. Tê diyarkirin ku ev kampanya yek ji tevgerên protestoyî yên herî demdirêj û birêxistinkirî yên li dijî cezayê darvekirinê yê li zindanên Îranê ye.

Etîket: 56 girtîgehbanga têkoşînêçarşema na ji darvekirinan reGirtiyên siyasîgreva birçîbûnê
Parve BikeTweetWhatsAppParve BikeParve Bike

Nûçeyên Din

Malbatên girtiyan: Heta girtî neyên berdan pêvajo li pêş nakeve

Malbatên girtiyan: Heta girtî neyên berdan pêvajo li pêş nakeve

14 MIJDAR 2026
Aydin Kûdat piştî 34 salan hat berdan

Aydin Kûdat piştî 34 salan hat berdan

12 MIJDAR 2026
Proses est o zî heqê hepsîyan yenê binpaykerdene

Girtiyên Apoyî: Êdî ne gotin hewceyî bi gav avêtinê heye

8 MIJDAR 2026

Rengîn Karabûlût: Divê girtiyên siyasî beşdarî jiyana civakî bibin

24 COTMEH 2026
TUHAD-DERa Botanê: Daxwaza girtiyên siyasî azadî ye

TUHAD-DERa Botanê: Daxwaza girtiyên siyasî azadî ye

19 COTMEH 2026
Davût Avci piştî 30 salan ji girtîgehê hate berdan

Davût Avci piştî 30 salan ji girtîgehê hate berdan

11 ÎLON 2026

ÊN ZÊDE HATINE XWENDIN

  • Ezîzê Mûso koça dawî kir

    Ezîzê Mûso koça dawî kir

    Parve Bike
    Parve Bike Tweet
  • Rûken Kilinç: Divê gorên Seîd Riza û hevalên wî bê eşkerekirin

    Parve Bike
    Parve Bike Tweet
  • Ji zaroktiya xwe heta girtîgehê evîna hunerê: Divê Kurd afirîner bin

    Parve Bike
    Parve Bike Tweet
  • Bi îşkenceyê tê girtin û niha nexweş e!

    Parve Bike
    Parve Bike Tweet
  • Keskîn Bayindir: Guhertina cihê birêz Ocalan nabe şert û mercên azad

    Parve Bike
    Parve Bike Tweet
  • Dayika girtiyê nexweş: Kurê min nexweş e û 8 sal in min ew nedîtiye

    Parve Bike
    Parve Bike Tweet
  • Ji Wezareta Çandê bersivek sosret: Medreseya Feqiyê Teyran ne aîdî me ye

    Parve Bike
    Parve Bike Tweet
  • Polîsan bi ser avahiya Weşanxaneya Belkiyê de girt

    Parve Bike
    Parve Bike Tweet
  • Dayika Aştiyê: Ez hêza têkoşînê ji şehîdên xwe digirim

    Parve Bike
    Parve Bike Tweet
  • ‘Budçeya tendirustiyê ne li gor pêwîstiyên gel tê amadekirin’

    Parve Bike
    Parve Bike Tweet

Ajansa Welat, bi nûçeyên taybet, dosya, lêkolîn, dîmen û deng civakê agahdar û ronî dike.

Bi şîara agahiyên rast û objektif weşanê esas digire, li ser şopa heqîqetê agahiyan belav dike.

Ajansa Welat bi nûçe û naverokên xwe dibe deng û rengê welat.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

Encamek nîn e
View All Result
  • HEMÛ NÛÇE
  • ROJANE
  • JIN
  • ÇAND Û HUNER
  • POLÎTÎKA
  • EKOLOJÎ
  • CIVAK
  • TENDURISTÎ
  • DARAZ
  • KED Û ABORÎ
  • CÎHAN
  • ANALÎZ-DOSYE
  • SPOR
  • KIRMANCKÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne