* Cîgirê Hevserokên Giştî yên DEM Partiyê ji Çapemenî û Propagandayê Berpirsyar Tayîp Temel diyar ku derengxistina çerçoveya qanûnî pêvajoyê dixe xetereyê û got: “Em di rojên pêş de li bendê ne ku meha Gulanê derbas neke û taslaxên hatine amadekirin bên parvekirin. Ev taslax bibin yekgirtî û ji hemû aliyan nêrîn bê girtin û li gor wê qanûn dikarin bên çêkirin.”
* Li Amedê di konferansa “Kurdên Bakur Yekîtiya Xwe ya Neteweyî Nîqaş Dikin” de hat destnîşankirin ku yekîtî mifteya statu û azadiyê ye û banga avakirina Kongreya Neteweyî hat nûkirin.
* Endamê Komîsyona Zimanê Kurdî yê Baroya Amedê Muslum Dalar ji bo siberoja zimanê Kurdî da zanîn ku pirsgirêka Kurd ne tenê meseleyeke ewlehî, rêveberî, an siyasetê ye û wiha got: “Aştîyek ku bêyî qanûn ji bo zimanê Kurdî were pêkanîn dê ji hêla qanûnî ve qels û ji hêla civakî ve jî kêm be.”
* Wekîla DEM Partiyê ya Mûşê Sumeyye Boz derbarê talana xwezaya Mûşê û ya li herêmê de axivî û diyar kir ku li Kurdistanê proje ne tenê ji bo aboriyê ne, ji bo “fetisandina jiyanê” ne. Sumeyye Bozê bang kir ku li dijî talanê têkoşînek hevpar were meşandin.
* Stranbêj Jan Axîn serboriya xwe ya 25 salan nirxand û pîvana xwe ya sereke ya hunerî eşkere kir û got: “Li ku derê dibe bila bibe, eger cihê ku ruhê Kurdî lê nebe ez wir naxwazim.”
* Stranbêj Genim derbarê bandora hişê çêkirî li ser hunerê de diyar kir ku divê huner û stranbêj van tiştan bikar bîne û got: “Lê divê ne li gorî moderniteya kapîtalîst bikar bîne, li gorî hişmendiya xwe bikar bîne. Divê em hişê çêkirî li gorî xwe saz bikin û hişê çêkirî bikin bin xizmeta xwe.”
* Înîsiyatîfa Yekîtiya Demokratîk dê encamnameya konferansa “Kurdên Bakur Yekîtiya Xwe ya Neteweyî Nîqaş Dikin” li Birca Keçikê ya li navçeya Sûra Amedê eşkere bike. (11:00)
* Şaxên ÎHDê dê li gelek bajaran derbarê pêvajoya “Aştî û Civaka Demokratîk” bi awayekî hemwext daxuyaniyê bide çapemeniyê. (12:30)
* Platforma Piştgirî û Parastina Bajêr a Amedê derbarê astengkirina 2yemîn Konvoya TIRan a Alîkariyê ya ji bo Kobanê de dê li avahiya DTSOyê daxuyaniyê bide çapemeniyê. (13:30)
* Serokwekîlê Koma DEM Partiyê Sezaî Temellî dê derbarê geşedanên di rojevê de li Meclîsê civîna çapemeniyê li dar bixe. (14:30)
* 11emîn Mihrîcana Şanoyê ya Navneteweyî ya Amedê, ya Şaredariya Bajarê Mezin a Amedê ve bi dirûşma “Ji bo aştiyê diyalog” tê lidarxistin, dê di roja 4emîn de berdewam bike. (13:30-20:30)
