* Hevberdevka HDKê Meral Daniş Beştaş anî ziman ku nêzikatiya li hemberî Rêberê Gelê Kurd Abdullah Ocalan nêzikatiya pêvajoyê ye û got: “Divê birêz Abdullah Ocalan di şert û mercên azad de bixebite. Civak jî li benda qanûnan e. Divê beriya Meclîs bikeve destûrê qanûn bên çêkirin.”
* Aktivîstên TJAyê yên Sêrtê derbarê meşa ku wê di 19ê mehê de li Gemlîkê ji bo azadiya fîzîkî ya Rêberê Gelê Kurd Abdullah Ocalan pêk bê ev bang li jinan kirin: “Em ji bo tevlibûna meşê bangî hemû jinan dikin ku li Gemlîkê em bi hev re ji bo azadiya fîzîkî ya Rêberê Gelê Kurd biqîrin.”
* Şêniyên gundê Bêmboyê yê Şemzînanê û Kertinisê yê Geverê der barê berfa ku di meha Nîsanê de bariya destnîşan kir ku berf ji bo xweza û çavkaniyên avê bereket e û gotin: “Heke amadekarî hebe, berfa biharê ne xirab e.”
* Barîna berf û barana zêde rêya Mûş û Gimgimê herifand û ev nêzî 4 meh in rê nehatiye çêkirin.
* Dê rewşa kesên di çarçoveya doza kuştina Gulilstan Dokû de hatine binçavkirin bê şopandin.
* Cenazeyê dayika yek ji damezrînerên PKKê Sakîne Cansizê, Zeynep Cansiz dê li Cemxaneya li navenda Dêrsimê piştî wecîbeyên olî bê veşartin.
* Serokê Amedsporê Nahît Eren, Seroka Duyemîn Şeyda Arslantaş û Serokê Lijneya Îstîşareyê Metîn Kilavûz dê têkildarî rojevên Amedsporê li Tesîsên Şeyhmûs Ozer civîna çapemeniyê li dar bixin. (11:00)
* Danişîna ewil a doza ku rojnameger Cîhan Berk bi îdiaya “endamtiya rêxistinê” jê tê darizandin dê li 1êmîn Dadgeha Cezayê Giran a Dêrsimê bê lidarxistin. (11:00)
* Li Gundê Kermê yê navçeya Wêranşar a Rihayê û li Gundê Kîwêxê yê navçeya Hezex a Şirnexê dê Cejna Çarşema Sor a civaka Êzidî bê pîrozkirin. (11:00)
* Şaxên Egîtîm Senê yên li Bakurê Kurdistan û Tirkiyeyê dê têkildarî êrişa li dijî dibistaneke li navçeya Sêwregê ya Rihayê pêk hat rojekê dest ji kar berdin û daxuyaniyê bidin. (11:00-18:00)
