Komîserê Bilind yê Penaberan ê Neteweyên Yekbûyî (NY) Berhem Salih eşkere kir ku ji ber şerê li Rojhilata Navîn bi milyonan kes koçber bûne û pêwîstiya wan bi alîkariya lezgîn ya civaka navdewletî heye.
Komîserê Bilind yê Penaberan ya Neteweyên Yekbûyî Berhem Salih ji ber bandora şerê li Rojhilata Navîn bangek lezgîn bi rêya Reutersê li civaka navdewletî kir û got: “Rêxistina Komîsyona Bilind a Penaberan kêmtir ji bo çareserkirina qeyrana penaberên Îran û Libnanê pêdivî bi 69 milyon dolar heye.”
Bi milyonan kes ji cih û warên xwe bûn
Her wiha Berhem Salih eşkere kir ku ji ber şerê li Rojhilata Navîn nêzî 3.2 milyon kes li Îranê neçar mane ji malên xwe koçber bibin. Her wiha li Libnanê jî zêdetirî 1 milyon kes koçber bûne ku ji sedî 17yê vana niştecihên Libnanê ne.
Welatên Serdest girîngiyê didin budçeya şer
Li gor gotina Berhem Salih, welatên serdest pir zêde girîngiyê didin budçeya şer û diyar kir alîkariyên welatên serdest bi taybet jî alîkariya Amerîkayê pir kêm bûye.
Komîserê Bilind yê Penaberan ya Neteweyên Yekbûyî Berhem Salih da zanîn ku hejmara penaberan a li cîhanê gelek zêde ye û li gel vê jî alîkariyên mirovî bi temamî kêm bûne. Salih got ku ev rewş jî dike ku qeyrana heyî kûrtir bibe, bi bîr xist ku pêwîstî bi destwerdana lezgîn a civaka navdewletî heye.
