Serokê DYAyê Donald Trump diyar kir ku ew îhtîmala bicîhkirina yekîneyên bejayî yên Amerîkî li Îranê bi temamî ji nedîtî ve nayê. Ev daxuyaniya Trump, piştî peyamên ku ji Pentagonê hatin, hat dayîn.
Serokê DYAyê Donald Trump, di hevpeyvîna xwe ya bi New York Postê re diyar kir ku ew îhtîmala hebûna leşkerên Amerîkî li ser erdê (li hundurê Îranê) red nake. Trump got: “Wekî ku her serok dibêje ‘dê leşker li ser erdê nebin’, ez jî ji bo ‘hebûna leşkeran li ser erdê’ dudil nabim. Ez dibêjim ‘belkî hewce neke’ yan jî ‘heke pêwîst bike’.”
Trump her wiha di daxuyaniya xwe ya ji bo Washington Postê de jî helwesteke bi heman rengî nîşan da û anî ziman ku hemû vebijêrk li ser masê ne.
Ev daxuyaniya Trump piştî gotinên Wezîrê Parastinê yê DYAyê Pete Hegseth hat. Hegseth berê gotibû ku planên wan ên hebûna personelên leşkerî li Îranê nîn in. Hegseth, di civîna çapemeniyê ya li Pentagonê de diyar kiribû ku “Em ê neyên ser hûrgiliyên ku em ê çi bikin an nekin” û çarçoveyeke zelal derbarê helwesta dawî ya rêveberiyê de diyar nekiribû.
