Serokê Encûmena Bilind a Dadweriya Iraqê Fayîq Zêdan pêşwazî li Nûnerê Taybet ê Amerîkayê Tom Barrack kir û li ser dagirtina şertên destûrî û avakirina hikûmeta pêşerojê guftûgo kirin.
Ofîsa Ragihandinê ya Encûmena Bilind a Dadweriya Iraqê bi daxuyaniyekê ragihand ku Serokê Encûmena Bilind a Dadweriya Iraqê Fayîq Zêdan li gel Nûnerê Taybet ê Amerîkayê yê Sûriye û Iraqê Tom Barrack civiya.
Hate diyarkirin ku Zêdan û Barrack li ser rola dadweriyê di hewildanên ji bo bi cihanîna erkên destûrî yên ku divê di qonaxa bê de werin bicihanîn taybet wek avakirina hikûmetê, guftûgo kirin.
Ev civîn di demekê de ye ku raya giştî ya Iraqê li benda çareserkirina çend pirsgirêkên girîng ên destûrî ye ku desthilata dadweriyê parêzerê sereke yê bicîhanîna van mafan lê dûrî nakokiyên siyasî û li gorî bendên destûrê ye.
Hêjayî gotinêye ku li gorî di hinek medyayan de hatî ragihandin, Tom Barrack gotiye ‘ger Malikî ji namzetiya xwe ya ji bo posta serokwezîriyê venekişe, Amerîka dê di destpêka hefteya bê de li ser hinek kes û saziyên Iraqî cezayan ferz bike’.
Tevî gef û zextên Amerîkayê yên li dijî namzetiya Nûrî Malikî ji bo postê serokwezîrtiya nû ya Iraqê, heta niha Çarçoveya Hemahengî li ser vê biryara xwe israr dike û ti guhertin di namzetiya postê serokwezîrtiya Iraqê de çênekiriye.
