Parlamenterê DEM Partiyê yê Şirnexê Mehmet Zekî Îrmez bertek nîşanî helwesta Gerînendeyê Polîsan ê girêdayî Midûriyeta Polîsan a Şirnexê da û got: “Em dixwazin hesab ji polîsan bê pirsîn.”
Rêxistina DEM Partiyê ya Cizîrê têkildarî gef û heqaretên Midurê Buroya Ewlehiyê yê Şirnexê li pêşiya avahiyê xwe daxuyanî da. Parlamenterên Şirnêxê Newroz Uysal Aslan û Mehnet Zekî Îrmez, Hevşaredarên Cizîrê Hevserokên DEM Partiyê yên navend û navçeyan, aktîvîstên Tevgera Jinên Azad (TJA), Dayikên Aştiyê yên Botanê, Nûnerên Saziyên Demokratîk ên sivîl, gelek parêzer û welatî tev li daxuyaniyê bûn.
‘Êrişkar ne xêrxazên gel û aştiyê ne’
Hevseroka DEM Partiyê ya Şirnexe Taybet Bîlgîn destnîşan kir ku yên nedixwestin gelê Cizîrê tev li Sempozyûma li navçeyê tê kirin bibin, êrişî gel kirin. Hevserokên me Abdurrahîm Dûrmûş û Guler Tûnç jî di nav de bûn. Bila vê yekê bizanin hevserokên me ne bi tenê ne. Em li dijî êrişên li pêvajoyê tên kirin derkevin. Em ê li ked û berdêlên hatine dayîn, xwedî derbikevin. Çi bibe bila bibe em ê xwedî li pêvajoyê derkevin .Yên êrişan dikin xêrxazên vî gelî û aştiyê nîn in. Em ji van êrişan natirsin.”
Hevseroka DEM Partiyê ya Cizîrê Fîlîz Acû bi Tirkî daxuyanî xwend û destnîşan kir ku piştî hatina Serokê PDKê Mesûd Barzanî ya ji bo 4emîn Sempozyûma Melayê Cizîrî bang li wan û Şaredariya Cizîrê kirine û ev tişt gotin: “Fîlîz Acû da zanîn ku dema şandeya wan hatiye li ber deriyê otela ku sempozyûn lê tê li darxistin em hatin astengkirin. Di têketina otelê de Gerînendeyê Polîsan ê bi navê Şuayîp Ogdur me asteng kir. Ev kes gef li hevserokên me xwar, çêr û heqaret li wan kirin. Hevşaredarên me û şandeya bi wan re vê yekê protesto kirin û ji wê derê dûr ketine.
‘Tayînkirî nikarin îradeya gel tune bihesibînin’
Fîlîz Acû bi bîr xist ku demeke dirêj e Waliyê Şirnexê û Qeymeqamtiya Navçeyê wekî rêxistina AKPê ya navçe û navendê tevdigerin.
Fîlîz Acû diyar kir ku Melayê Cizîrî nirxa hevpar a vê erdnîgariyê ye û wiha got: “Li navenda xwe de behsa “pêvajoya nû”, “Dema nû” dikin lê li Şirnexê rewşeke cudatir li holê ye. Ev helweste ne perçeyeke pêvajoyê ye. Walî, qeymeqam, hêzên emniyete nikarin derkevin derveyî sinorên hiqûqê. Çi dibe bila bibe em ê xwedî li îradeya gel derkevin û li dijî helwesta nişanî hevserokan hatiye dayîn, bisekinin.”
‘Ke ne ev derdor?’
Parlamenterê Şirnexê Mehmet Zekî Îrmez jî helwesta li dijî Hevşaredarên Cizîrê hatiye nîşandan bi tundî lanet kir û got: “Ev demeke ku li hember gelê me êrişên bi vî awayî li bajarê me didome. Di vê pêvajoya em tê de, em vê helwestê di şîn û çalakiyan de dibînin. Hatina birêz Barzanî û pêşwazîkirina me re tehemûl nekirin. Serokkomar Erdogan got hin derdor hene ji pêvajoyê aciz in. Kê ne ev derdor bila ji me re bejin. Em dixwazin bila lêpirsîn were destpêkirin, hesab ji van kesan were pirsîn û bi çapemeniyê re were parvekirin.”
Daxuyanî bi dirûşma “Hevşaredar rûmeta me ne” û çepikan bi dawî bû.”
