Hejmara 270yemîn a Rojnameya Xwebûnê bi manşeta kirmanckî ya “Ziwan sereke bo” derket pêşberî xwînerên xwe.
Rojnameya Xwebûn di hejmara 270yemîn de bi manşeta “Ziwan sereke bo” cih da girîngî û wateya ziman. Rojnameyê bi minasebeta 21ê Sibatê Roja Ziman a Cîhanê mijara ziman derxist pêş û hevpeyvîna kirmanckî ya bi Hevberdevka Komîsyona Ziman û Çandê ya DEM Partiyê Cemîle Tûrhallî re hatiye kirin, kir manşet.
Rojnameyê di surmanşetê de jî cih da êrîşên Dewleta Tirk a li dijî rojnamegeran. Rojnameyê bal kişand ser rojnamegerên di salên 1990î de bi destê dewleta kûr hatin kuştin û rojnamegerên ku niha bi destê hikûmeta AKPê têne kuştin.
Rojnameyê di bin manşetê de jî cih da nivîsa Nivîskar Zinar Ronî ya bi sernavê “Tola hezar salan” ku balê dikişên ser paradîgmaya Rêberê PKKê Abdullah Ocalan. Nivîskar Ronî paradîgmaya Abdullah Ocalan wekî tol hilanina sedan salan pênase dike û destnîşan dike ku bi vê padagîgmayê perala serdest tar û mar kiriye.
