Rojnameya Xwebûnê di hejmara xwe ya 277emîn de cih da rewşa li taxên Şêxmeqsûd û Eşrefiyeyê yên bajarê Helêbê ku bi banga Rêberê Gelê Kurd Abdullah Ocalan pêşketiye.
Hejmara 277an a Rojnameya Xwebûnê bi maşeta ‘Encama bangê serkeftin e’ bal kişand ser rewşa li taxên Şêxmeqsûd û Eşrefiyeyê yên Helêbê. Nivîskar Mîdya Mîqdet di quncikê xwe yê rûpela jinê de destnîşan dike ku ev peymanên ku di nava taxên Kurdan û Helebê de hatine qebûlkirin encama banga Rêberê Gelê Kurd Abdullah Ocalan e. Nivîskar Ciwan Îbrahîm jî di rûpela Jinê de bi sernavê ‘Di wêjeyê de rista jinan’ der barê rola jinan a di parastina wêjeyê de nivîsiye.
Di rûpela hevpeyvînê de Bedran Çiya Kurd behsa hikûmeta nû ya li Sûriyeyê dike û divê hemû pêkhate di nav Sûriyeya nû de pên parastin. Adar Jiyan di rûpela wêje û ziman de bal dikşîne ser girîngiya ziman û zanîna peyvan.
Di rûpela 6an de H. Halît Alaçati, Felemez Ûlûg û Ramazan Olçen der barê banga Rêberê Gelê Kurd Abdullah Ocalan û giringiya vê bangê de nivisine. Nivîskar Kurdistan Lezgiyeva jî di nivîsa xwe de cih daye cudahiyên di navbera sosyalizm û komunîzmê de.
Dr. Rodî Zinar ji bo rûpela 8emîn bal dikşîne ser banga Rêberê Gelê Kurd Abdullah Ocalan û dubarekirina di nav siyasetê de. Nivîskarê Xwebûnê Prof. Dr. Abdullilah Polat jî ji bo heman rûpelê der barê mîtolojiyê û bandora wî ya li ser derûniyê nivîsandiye. Di rûpela Kirmanckî de, têkildarî banga Rêberê Gelê Kurd û dorhatina dewletê de nûçe hatiye amadekirin û ji bo meşa ciwanan analîz hatiye nivîsandin.
Di rûpela çandê de Siesta Mîlano der barê feylesof Spînoza û peyva Xweda de nivîsek amade kiriye. Di rûpela dîrokê de dîrokzan Dr.Îsmet Konak bi sernavê ‘Mîrîya Erdelanî (1169-1867)’ behsa Mîrektiya Erdalanan dike.
