Stenbol – Veysî Aktaş ê 10 sal in li Girtîgeha Îmraliyê dihate ragirtin û berdana wî 3 mehan hatibû taloqkirin hate berdan.
Veysî Aktaş ê li Girtîgeha Tîpa F a Ewlehiya Bilind a Îmraliyê dihate ragirtin piştî 31 sal û 3 mehan hate berdan. Aktaş di 28ê Nîsana 2024an de 30 sal cezayê hefsê yê lê hatibû birîn xelas kir. Lê berdana Aktaş bi biryara Lijneya Çavdêrî û Îdareyê ya Girtîgehê saleke hate taloqkirin. Piştî salekê berdana Aktaş 3 mehên din hate taloqkirin. Li gorî nûçeya Ajansa Mezopotamyayê (MA) Aktaş ê berdana wî cara duyemîn hatibû taloqkirin di 25ê Tîrmehê de ji Girtîgeha Îmraliyê hate berdan.
Di sala 2015an sewqî Îmraliyê hatibû kirin
Veysî Aktaş di navbera salên 2013 û 2015an de di pêvajoya bi navê “Pêvajoya Çareseriyê” hate binavkirin de di sala 2015an de ji bo peywîra “Sekreteryayê” li gel Mehmet Saît Yildirim, Omer Hayrî Konar, Çetîn Arkaş û Nasrûllah Kûran sewqî Îmraliyê hate kirin. Veysî Aktaş ê wê demê li Girtîgeha Kirikkaleyê dihate ragirtin ji sala 2015an ve li Girtîgeha Îmraliyê dihate ragirtin.
