TJK-Eyê bi daxuyaniyeke bang li jin û gelan kir ku tev li meşa mezin û dîrokî ya ku di 15ê Sibatê de dê li Strasbourgê bê li darxistin bibin, kir
Tevgera Jinên Kurd a Ewropayê (TJK-E) bi boneya salvegera komploya navdewletî ya li dijî Rêberê PKKê Abdullah Ocalan di 15ê Sibata 1999an de pêk hat daxuyaniyeke nivîskî weşand û banga tevlîbûna meşa Strasboûrgê kir.
Daxuyanî wiha ye: “Li ser vê bingehê em Rêber Apo bi hezkirin û rêzgirtineke mezin silav dikin ku li Îmraliyê li hember hêzên komploger berxwedaneke birûmet da û nîşanî her kesî da ku jiyana azad pêkan e. Bi vê boneyê em di şexsê şehîdên xwe de yên ku bi fedaîyane canê xwe di çalakiyên “Hûn nikarin roja me tarî bikin” şehîd bûne hemû şehîdên xwe bi rêzdarî bi bîr tînin û soz didin ku em ê armanca wan a jiyana azad û welatê azad bigihînin serkeftinê.
Rêber Apo di serdema komploya 15ê Sibatê de hewl û kedeke mezin da îdeolojiya azadiya jinan û rêxistinbûna wê ku ev yek di warê çêbûna zanîn û rêxistinbûneke di têkoşîna li dijî komploya navdewletî de bû bingeheke dîrokî. Ev komplo jî li dijî heqîqeta jiyana azad û civaka azad hat kirin ku Rêber APO bi pêşengiya îdeolojiya azadiya jinan û têkoşîna wê pêş xist û li Kurdistan û Rojhilata Navîn belav bû. Ji ber vê yekê ye ku hêzên komploger ên navdewletî, li dijî Rêber Apo ku li Kurdistanê îdeolojî, felsefe û têkoşîna azadiyê pêş xist komploya 15ê Sibatê li dar xistin.
Hêzên komloger da ku bihigêjin armanca xwe di van salên dawî de dixwazin Kurdistanê bi tevahî bixin dorpêça şerê qirêj û hov. Li dijî vê yekê di serî de jin, hemû gelê me ji berxwedana dîrokî û birûmet ya Rêber Apo hêz girt û ji bo dabînkirina azadiya xwe û parastina hebûna xwe têkoşîneke mezin daye.
Li ser vê bingehê em careke din komploya 15ê Sibatê bi nefret şermezar dikin û di serî de jin em bangî hemû gel û dostên xwe dikin ku li dor Rêber Apo bibin yek û têkoşînê mezin bikin. Bangawaziya me ew e ku her kes beşdarî meşa mezin û dîrokî bibe ku bi pêşengiya jinan 15ê Sibatê wê li Strasbourgê bê lidarxistin. Werin em roja reş ronî bikin.”
