Welatiyê bi navê Cemîl Taşkesenê ku ji ber parvekirinên xwe yên li ser hesabê medyaya dîjîtal bi îdiaya “gef li ser Serokkomar xwariye” cezayê girtîgehê lê hatibû birîn, hate tehliyekirin.
Welatiyê bi navê Cemîl Taşkesen bi boneya li ser hesabên xwe yên medaya dijîtal “gef li Serokkomar xwariye” hatibû girtin, tahliye bû. Taşkese di sala 2014an de dema goristana endamên PKKê ya li Herêma Herekolê bi kemçeyan hatibû rûxandin, bi komekê re çûbû ser goristanê. Taşkesen rûxandina li goristanê kişandibû û li ser hesabê xwe ya medyaya dijîtal parve kiribû. Ji ber vê parvekirinê, derheqê Taşkesen de bi îdiaya “Gef li Serokkomar xwariye” doz hate vekirin. Doz, li 2yemîn Dadgeha Cezayên Giran a Sêrtê hate dîtin. Dadgehê di sala 2023yan de ango 9 sal piştre 4 sal û 2 meh cezayê hepsê li Taşkesen birî.
Taşkesen azad bû
Taşkesen li dijî biryarê serî li Dadgeha Îstînafê da. 9emîn Daîreya Cezayan Dadgeha Edliyeyê ya Herêma Amedê jî bi îdiaya “sûc neguher e” ev serlêdan red kir. Li ser vê yekê cezayê Taşkesen hate erêkirin.
Taşkesenê ku demek bû girtî bû, duh ji girtîgeha ku lê dihate ragirtin serbest hate berdan.
‘Ev der Kurdistan e’
Seroka Giştî ya Partiya Îyiyê ya berê Meral Akşener di 29ê Cotmeha 2021an de çû navçeya Misircê ya Sêrtê. Di dema serdana dikandaran de Cemîl Taşkesen nerazîbûn nîşanî Akşener dabû û gotibû, “Ev der Kurdistan e lê tê înkarkirin” û bi vê gotina xwe bûbû rojev.
