SOHRê diyar kir ku li Idlibê depoya çek û cebilxaneyan teqiya.
Li rojavayê bajarê Idlibê teqînek dijwar rûda. Dema balafirên bêmirov li asîmanê herêmê digeriyan teqîn pêk hat.
Navenda Çavdêriya Mafên Mirovan a Sûriyeyê (SOHR) destnîşan kir ku li aliyê rojavayê bajarê Idlibê depoyek çek û cebilxaneyan teqiya. Li gorî agahiyên destpêkê, ji ber teqînê hejmarek sivîl birîndar bûne. Lê heta niha sedemên teqînê û aliyê depo kontrol dike nayê zanîn. Digel zêdebûna tevliheviya ewlehî li Idlibê ev bûyer pêk tê. Di demên berê de jî gelek teqînên bi vî rengî li depoyên çekan pêk hatin. Hinek ji wan ji ber bombebaranên ji çavkaniyên nenas, hin ji ber çewtiyên pîşeyî pêk hatin.
