Amed – Şêniyên Amedê kurtegirtekên hevdîtina li Îmraliyê ku li meclisê hatine xwendin rexne kirin û xwestin hemû girtek bên xwendin û bi raya giştî re bêne parvekirin.
Endamên Komîsyona Demokrasî, Xwişk-Biratî û Hevgirtina Mîlî ku ji Serokwekîla Koma DEM Partiyê Gulistan Kiliç Koçyîgît, Parlamenterê AKPê Huseyîn Yayman û Cîgirê Serokê Giştî yê MHPê Fetî Yildiz pêk dihat, di 24ê Mijdarê de li Îmraliyê bi Rêberê Gelê Kurd Abdullah Ocalan re hevdîtin kirin. Komîsyona Meclisê piştî serdana Îmraliyê di 4ê Kanunê de civîna 19emîn pêk anî. Di civînê de kurtegirteka hevdîtina li Îmraliye xwendin. Lê li dijî xwendina kurtegirtekê bertek û nerazibûn zêde bûn. Serokê CHPê xwest hemû girtek bê parvekirin. Dîsa Endamên Komîsyonê yên DEM Partiyê daxuyanî dan û gotin gotinên Rêberê Gelê Kurd Abdullah Ocalan ji wateyê hatiye dûr xistin. DEM Partiyê xwest hemû girtek bi giştî ji raya giştî re bê parvekirin.
Welatiyên Amedê jî bertekên xwe anîn ziman û xwestin hemû girtek bi raya giştî re bên parvekirin. Amediyan diyar kirin ku dewletê kurtegirtek li gor xwe amade kiriye û ev nayên qebûlkirin. Welatiyan xwestin nêrîn û fikra Rêberê Gelê Kurd Abdullah Ocalan bi raya giştî re teqez bê parverekirin. Welatiyan bal kişand ser azadiya fizîkî ya Rêberê Gelê Kurd Abdullah Ocalan û xwestin Rêberê Gelê Kurd Abdullah Ocalan azad be û gotinên wî ji devê wî bibihîzin. Welatiyan destnîşan kirin ku Rêberê Gelê Kurd Abdullah Ocalan ji bo wan xeta sor e û heta ew azad nebe, fikir û ramanên xwe parve neke dê ev pêvajo xurtt nabe.
