Rojnameger Fermandar Kardeş ê ku sê roj bûn di binçavan de bû bi şertê kontrola edlî û qedexeya derketina derveyî welat hate berdan.
Rojnameger Fermandar Kardeş di 25ê Tîrmehê de li Stenbolê di serdegirtina mala xwe de hatibû binçavkirin. Piştî karûbarên îfadeyên li emniyetê, sewqî Edliyeya Çaglayanê ya Stenbolê hate kirin. Dozgeriyê derbarê xebatên rojnamegeriyê ji Kardeş pirsan kir. Kardeş tawanbariyên li ser xwe red kir û diyar kir ku tiştên wî kiriye di çarçoveya xebatên rojnamegeriyê de ne.
Dozgeriyê bi şertê kontrola edlî Fermandar Kardeş sewqî Dadgeriya Cezayê Silhê kir. Dadger bi şertê kontrola edlî û qedexeya derketina derveyî welat derbarê Kardeş de biryara berdanê da.
