* Endama Têkiliyên Dîplomasî ya Meclisa Sûriyeyê Gulistan Ebdikê li ser êrîşên Tirkiyeyê yên li dijî jinan jî rawestiya û got: “Tirkiye tenê êrîşî Bakur û Rojhilatê Sûriyeyê dike. Li Bakur û Rojhilatê Sûriyeyê jî êdî hemû cîhan dizane ku şoreş bi pêşengiya jinan pêş ket. Tirkiye dizane ku têkçûna jinê têkçûna şoreşê ye. Ji ber vê yekê êrîşî jinan dike.”
* Hevberdevkê Komîsyona Çand û Ziman a DEM Partiyê Heval Dilbihar têkildarî rista ziman û rewşa ziman diyar kir ku li gorî anketan siberoja ziman di xetereyê de ye û wiha got: “Divê kurdî bibe zimanê perwerdehiyê. Dema mirov bi zimanekî biyanî zarokên xwe perwerde bike, ew zarok dê zimanê xwe winda bike. Ji bo parastina ziman teqez dibê kurdî bibe zimane perwerdehiye.”
* Saziyên ziman, çand û wêjeyê bi minasebeta 21ê Sibatê Roja Zimanê Dayikê ya Cîhanê dê li Amed, Mêrdîn, Şirnex, Batman, Wan û gelek bajar û navçeyên din ên bakurê Kurdistanê daxuyanî bidin, meş li dar bixin û şahiyan pêk bînin. (12-00-19.00)
* Li Wanê bi beşdariya Hevserokê Giştî yê DBPê Keskîn Bayindir dê şermezarkirina qeyûmê tayînî ser Şaredariya Bajarê Mezin hatiye kirin berdewam bike. (14.00)
Rojeva Kirmanckî
* Avûkat Mehmet Emîn Gokdemîr xebata “Zazakî de Standardîzekkerdişê Termanê Huquqî” kerd û seba xebata xo va ke wa zazakî tena qad, warêk ya zî deyran, estanikan û vengdayîşan ser o wa nêbo û zazakî warê mesleg û cayenê bînan ê de zî bêra xebitnayîş.
