* Rêberê PKKê Abdullah Ocalan diyar dike ku aştî tenê li ser esasê xweparastinê dikare wateyekê bi dest bixe û dibêje: “Sîstema netewedewlet û sîstema konfederalîzma demokratîk bi aştiyên bi prensîb û şert û mercî re bên jiyîn di dema binpêkirina van şert û prensîban de têkoşîna xweparastinê, ji bo azadî, wekhevî û meşa civaka demokratîk a dîrokî guncavtir in.”
* Hevberdevkê HDKê Alî Kenanoglu, der barê binçavkirina li dijî endam û rêveberên xwe anî ziman ku ev operasyon li dijî tevahiya civakên Tirkiyeyê pêk hatiye û got: “Li dijî van êrişan yekîtî gelek girîng e. Em ji bo xwe têkoşîna yekîtîya gelan dikin armanc.”
* Prof. Dr. Abdulillah Polat ji bo bandora perwerdeya zimanê zikmakî ya li ser zarokan got: “Êdî tê zanîn ku zarokên bi zimanê zikmakî perwerde nabin, di pêşketina hişmendiyê de zehmetiyan dikşînin. Lêkolîn nîşan didin ku zarokên bi zimanê xwe yê zikmakî perwerde dibin di warê akademîk de serketîtir in”
* Kordînatora Navenda Lêkolînên Qada Sosyo Polîtîk Yuksel Genç diyar kir ku geşedanên herî dawî dewlet bi xeterê re rû bi rû hiştiye û got: “Hevsengiyên ku di Rojhilata Navîn de tên avakirin, li gor berjewendiyên hêzên hegemonîk yên ku Rojhilata Navîn dîzayîn dikin dê an Tirkiyeyê biguherin an jî mudaxele bikin.”
* Rêveberê komîteya zimanî ya SZKê Nêçîrvan Evdilezîz anî ziman ku Şoreşa Rojava ji bo pêşketina zimanê kurdî derfetên mezin bi xwe re aniyê û got: “Şoreşa Rojava di heman demê de şoreşa ziman e. Ne tenê zimanê kurdî hemû zimanên cûda sûd ji şoreşa Rojava girtin.”
TJA dê bi minasebeta 8ê Adarê Roja Jinan a Cîhanê li Odeya Endezyarên Makîneyan a Amedê deklerasyona 8ê Adarê Aşkere bike (11.00)
* ARÎ-DER dê li Eywana Tahîr Elçî ya li Êlihê bi boneya 21 Sibatê Roja Zimanê Zikmakî yê Cihanê bi navê ‘‘Zimanê Kurdî: Hiqûq, Medya, Têkoşîn’’ panelekê li dar dixê (14.30)
