* Akademîsyen Dr. Îsmet Xabur ku tev li sempozyûma “Sosyo-Polîtîkaya Ziman” ya li Wanê bû, bal kişand ser xebatên zimanî û got: “Ziman, çand û huner aîdê ti fikrên siyasî û îdelojiyan nîn e, ew babetên neteweyî ne û divê em hemû yek çav temaşe bikin û bi hev re û yek dil bixebitin.”
* Cansu Çetîn ku bi eslê xwe ji Semsûrê ye û ji dema Osmaniyan ve bi malbatî koçî Kirşehîrê kirine û niha jî li Enqereyê dijî pişt re hînî Kurdî bûye û niha daxwaza wê ew e ku bibe mamosteya zimanê Kurdî û zimanê Kurdî fêr bike.
* Berdevka Insyatîva Azadiya Rêber Apo ya Kobanê Eyşe Efendî têkildarî armanca xebatên înîsiyatifê agahî dan û destnîşan kir ku ew bi vê înîsiyatifê dixwazin fikr û felsefeya Rêberê Gelê Kurd Abdullah Ocalan di nava hemû civakê de belav bikin.
* Hevberdevkê Platforma Ked û Demokrasiyê ya Amedê Mehmet Oktay têkildarî xwefesixkirina PKKê diyar kir ku ji bo pêvajo pêş bikeve û bê fêmkirin divê saziyên civakî xebatên xwe zêde bikin.
* Midûrê Beşa Parastin û Pêşvebirina Ziman a Daîreya Karên Çand û Civakî ya Şaredariya Bajarê Mezin a Amedê Tahîr Baykûşak têkildarî xebatên şaredariyê yên li ser ziman ji ajansa me re axivî.
* Şaxa OHDa Amedê dê di çarçoveya Cejna Zimanê Kurdî de bi dirûşma “Statuya kurdî, perwerdehiya bi kurdî” li ber Edliyeya Amedê daxuyaniyê bide çapemeniyê. (12.00)
* Di pêşengtiya MED-DER û Enstituya Kurdî ya Amedê de dê di çarçoveya 15ê Gulanê Cejna Zimanê Kurdî de li Amedê meş were lidarxistin û daxuyanî were dayîn. (17.30)
