* Şahidê Newroza 1992yan a Cizîrê Tahîr Duru diyar kir ku wê rojê lêşkeran û JÎTEMê xwest komkujiyên mezin pêk bîne lê tevî êrişan jî wan di pîrozkirina Newrozê de israr kir û got: “Her çiqas me kuştin û îşkence li me kirin jî lê me dev ji doz û Newroza xwe berneda.”
* Berdevkê Rêveberiya Xweser a Demokratîk Xalid Omer anî ziman ku peymana di navbera HSD û Hikûmeta Demkî ya Sûriyê de hatiye îmzekirin hevpeymaneke dîrokî ye û got: “Ev hevpeyman dê statuya gelê Kurd û hemû gelên Bakur û Rojhilatê Suriyê misoger bike.”
* Welatiyên ku tev li newroza Depê bûn diyar kirin ku banga Rêberê Gelê Kurd Abdullah Ocalan agirê Newrozê geş dike û gotin: “Warê Mazlum Dogan piştgiriyê dide banga birêz Abdullah Ocalan.”
* Xizmên windayan ji bo winda bên dîtin û kujer bên darizandin dê li Amed û Êlihê çalakiyên xwe yên hefteyî berdewam bikin. (12.00)
* Dayikên Şemiyê (mirovên şemiyê) ji bo aqûbeta windayan bipirsin dê li Qada Galatasarayê çalakiyên xwe berdewam bikin (12.00)
* Cejna Newrozê dê li navçeyên Bismil, Bêşebab, Qileban, Bêrecûk, Serêkaniyê, Kop, Giyadîn Şemzînan û Dêrikê bi girseyî bê pîrozkirin. (10.00-16.00)
* Zarok TV dê bi boneya 10emîn salvegera avabûna xwe li ÇandAmedê şahiyekê li dar bixe. (14.00)
* Rêxistina DEM Partiyê dê di çarçoveya 100 civînên gel de li gelek navendan civînên gel pêk bîne. (12.00-16.00)
