* Serokê Federesyona Astengdaran Abdulmecîd Yilmaz diyar kir ku civak li hemberî astengdaran hestiyar tevdigere lê mixabin berpirsyar bi hestiyar tevnagerin û got: “Astengî gelek hene, hem di aliyê fizikî de hem di aliyê hişmendiyê de.”
* Berdevka PÎAyê Menîce Rumeysa Gulmez ku wek delege tev li civîna Înîsiyatîfa Yekitiya Demokratîk bû, diyar kir ku Kurd li hember çar dewletan têdikoşin û got: “Ji ber vê jî gere yekitiya me xurt bibe.”
* Rêveberê TOD-DERê Herdem Dogrûl têkildarî pêvajoya heyî axivî û got: “Em derbasî asteke nû dibin. Biryara çekberdanê ya PKKê ji bo çareseriya pirsgirêka Kurd, azadiya gelê Kurd, aştî û wekheviya hemû gelên li Rojhilata Navîn deriyên nû vedike.”
* Hevberdevkê Komîsyona Ziman a Şaxa OHDê ya Amedê Serhat Hezer têkildarî 15ê Gulanê Cejna Zimanê Kurdî diyar kir ku divê xala 42an a Destûra Bingehîn bê guherandin.
* Bîranîna ji bo sazûmankarê PKKê Alî Haydar Kaytan û Alî Riza Altun a ku duh li Enqereyê dest pê kir, dê îro li Enqereyê û gelek bajarên din berdewam bike. (10.00-17.00)
