Meclisa Ciwanan a DEM Partiyê ku bi şiyara “Bi civaka demokratîk em ber bi azadiyê ve dimeşin” ji Amedê derketin rê, gihiştin navenda navçeya Curnê Reş. Meclisa Ciwanan a DEM Partiyê ya Curnê Reş meşvan bi pankarta “Roja li Amarayê hilat, li Îmraliyê bilind dibe” pêşwazî kir.
Meclisa Ciwanan a DEM Partiyê jî bi şiyara “Bi civaka demokratîk em ber bi azadiyê ve dimeşin” 2 roj in dimeşin Amarayê. Endamên Meclisa Ciwanan a DEM Partiyê di 1ê Nîsanê de ji her aliyên Kurdistanê hatin li Qada Şêx Seîd a Amedê kom bin û dest bi meşe kirin. Ciwan di roja diyemîn de ji Sêwêregê ber bi Curnê Reş ve ketin rê. Ciwan beriya ku têkevin rê serê sibê çûn ser gora Mahmut Zengîn ê li zindana Amedê li dijî zilm û îşkenceyê li gel Ferhat Kurtay, Eşref Anyik û Necmî Oner bedena xwe dan ber agir û ew li ser gora wî bibîr anîn. Ciwanan piştî serdana goristanê ketin rêya navçeya Curnê Reş. Ciwan piştî meşa 3 saetan xwe gîhandin navenda Navçeya Curnê Reş.
Ciwan li navçeya Curnê Reş, bi tilîlî, govend û dirûşmeyên “Bijî Serok Apo” hatin pêşwazîkirin. Meclisa Ciwanên DEM Partiyê ya Curnê Reş jî meşvanên Amara bi pankarta “Roja li Amarayê hilat, li Îmraliyê bilind dibe” pêşwazi kirin.
Ciwanan kulîlk dan dayîkên Curna Reş û dest bi meşe kirin. Roja 2êmin meşvan gihiştîn Curna Reş û bi gel re heta derketina Curna Reş Petrola Demîr meşiyan. Ciwan dema meşiyan sloganên “Bijî Serok Apo”, “Apocî li vir in” berz kirin. Polîsan hewl dan ku pêşiya ciwanan bigire lê ciwan benda polîsan xirakirin û meşiyan.
Meşa ciwanan a Meşvanên Amarayê didome.
