Li Sêrtê roja duyemîn a bîranîna Gerîlayên Tevgera Azadiya Kurd ên ku di dîrok û li cihên cuda şehîd ketine, bi serdanên girseyî bi dawî bû.
Roja duyemîn a bîranîna Gerîlayên Tevgera Azadiya Kurd ên ku di dîrok û li cihên cuda şehîd ketine, li Sêrtê bi dawî bû. Welatiyên Sêrtê bi awayekî girseyî şehîdên xwe bibîr tînin. Malbatên şehîdan, DEM Partiyê û DBPa Êlihê, navçeyên wê û yên gelek bajaran, endamên saziyên sivîl ên civakî û gelek kes tevli bîranînê bûn. Li eywana bîranînê posterên mezin ên Rêberê Gelê Kurd Abdullah Ocalan û wêneyên şehîdan hatine daliqandin. Her wiha wêneyên şehîdan bi rengên kesk, sor û zer hatine xemilandin. Pankartên bi nivîsên “Cewherê jiyana me şehîdên me ne”, “Em şehîdên xwe nasipêrin axê dispêrin dilê xwe”, “Têkoşîna wan rêya me ronî dike”, “Em deyndarê şehîdên xwe ne, şehîdên me rûmeta me ne”, “Şehîdên me pêşeroja me ne”, “Xeyalên me cangoriya bi rêxistinbûyîn û xwedî derketinê pêkan e” û “Şehîd ronahiya rêya me ne” hatin daliqandin.Di bîranînê de bênavber dirûşmeyên “Şehîd namirin”, “Bijî Serok Apo” û “Rêya şehîd rêya me Apo ye Serokê me” hatin berzkirin.
Bîranîn di roja duyemîn de bi dirûşmeyên “Şehîd namirin” û “Bijî Serok Apo” bi dawî bû.
Wê sibê bi dayîna mewlûdê û bi nîşandana sînevîzyonê bîranîn bi dawî bibe.
