Nivîskar Adil Qazî bi sernavê “Mizgîniya yekîtiyê” gotarek girt dest û destnîşan kir ku dê yekîtiya Kurdan ji bo siberoja cîhanê bibe ronahî.
Nivîskar Adil Qazî têkildarî konferansa ku li Qamişlo Konferansa Yekrêzî û Yekhelwesta Kurdî pêk anî. Têkildarî konferansê Nivîskar Adil Qazî gotara bi ser navê “Mizgîniya yekîtiyê” girt dest.
Gotara Adil Qazî wiha ye: “Silav li Konferansa Netewî ya Kurd û Kurdistanê! Ev xewn û xeyala dikarim bibêjim ya hezarê sala ye; wekî ku Feylezofê Kurd Ehmedê Xanê gotibû “…Ger hebuya me îtîfaqek/vêk re bikira me înqiyadek…”
Vaye îro ev tifaqa Kurdan pêk tê û hêvîdarim di berdewamiya vê tifaqê de jî bigîjin wê xewn û xeyala Jiyana Kurd û Kurdistaneke Azad li her derê dinyayê.
Konferansa ku li Qamişlo pêk hat de ji bo me hemuya gelê Kurd bû çirûska Azadiyê ku dê her derê welêt ronî bike. Di heman demê de bibe pêxam bikeve dilê hemû Kurdan ku bi vê pêxamê re bibe xwedî hizr û ramanê XWEBÛNIYÊ. Lewra XWEBÛN azadiya ramanî ye. Ku ev raman di serê mirov de hebe ew kes dê tu car nekeve, neşike, têk neçe. Ev hezarê salan e li ser çarenûsa me neyar û biyaniyan biryar dabû, didan. Di encama ev şerê 52 salan e ku Şerê Azadiyê tê dayîn. Bi fikr û felsefeya Rêber APO gihêşt vê qonaxê ku êdî DEM Hatiye ev DEM DEMA Kurdê Azad e! Di vê Serdema herî jor ya teknolojî û Geşedanên Cîhanî de nabe ku Kurd jê bêpar bimîne. Neçare Yekîtiya xwe pêk bîne. Êdî nayê qebûlkirin ku Kurd hê sed salên dî jî bê VÎN û bêyî XWEBÛN bimîne. Ferz e ku Kurd rêya çareseriya xwe bi xwe diyar bikin. Ev jî bêguman di Yekîtiya Kurdan de derbas dibe.
Ez bawerim ev gava yekem hat avêtin. Ev roj 26ê Nîsanê bibe pêlekana yekem ya Azadiya Gelê Kurd li ser axa Kurdistaneke Yekpare.
