Israra Hikûmeta Demkî ya Sûriyê ya avakirina netew dewletek navendî piştî hewildanên komkujiyê yên li dijî Durzî, Elewî, Xiristiyan û Kurdan niha jî dibe sedema pevçûnên bi eşîrên Ereb re û kaosê kûr dike. Piştî Reqa û Dêrezorê niha jî li Derayê di navbera gel û komên rejîma Şamê de pevçûnan des pê kir.
Hikûmeta Demkî ya Sûriyê bi aqildanetiya Tirkiyeyê hewil dide rejîmek despotîk a li ser esabê netew dewletek navendî ava bike. Lê rejîm çiqas hewil dide polîtîkayên navendî û yekperestiyê bi cih bîne ew qas bi netew, bawerî û eşîran re pervçûn û qeyranê kûr dike. Piştî êrişên li di jî Elewî, Durzî, Xiristiyan û Kurdan rejîm niha jî hewil dide yekperestiyê li ser eşîr û komên sekûler ên Ereb ferz bike. Polîtîkayên navendîbûnê ji hemû beşên civakê berdekek mezin dibîne.
Li Reqa û Dêrezorê pevçûn berfireh dibin
Piştî vekişiyana Hêzên Sûriya Demokratîk (HSD) komên Hikûmeta Demkî li van bajaran bi cih bûn û hewildan hemû beşên civakê bigirin bin bandora xwe. Ligel eşirên di bin serweriya HSDê de hînî rêveberiya xweser bûyîn bi awayek tund li dijî vê polîtîkayê derdikevin. Dubendiya li ser vê mijarê dibin sedema pevçûn û şerên di navbera eşîran û komên Hikûmeta Demkî. Pevçûnên bi taybetî li ser kontrolkirin û pay girtina kanên petrolê û deriyên sînor derdikeve holê hindî diçe kûr dibin. Heta niha hikûmeta destdaniye ser gelek kanên petrolê û eşîr jî wekî bersivdayînê van kanan dişewitînin û li dijî rejîma Şamê çalakiyên çekdarî û sivîl pêk tînin.
Li Darayê pevçûnan dest pê kir
Piştî Dêrezor û Reqayê niha jî pevçûn li parêzgeha dikeve başûrê Sûriyê dest pê kirin. Li parêzgeha Derayê ku dikeve başûrê Sûriyeyê, di navbera hêzên Hikûmeta Demkî ku piraniya wan HTŞyî ne û milîsên herêmî yên tê gotin bi Ehmed el-Awda re girêdayî ne de pevçûn derket. Çavkaniyên herêmî ragihandin ku li hin deveran pevçûnên demdirêj pêk hatine.
Li gorî çavkaniyên herêmî yên li bajarokên Busra el-Şam û el-Hirakê pevçûnan piştî hewldanekî suîqestê ya li dijî Ehmed el-Awda dest pê kirine. Lê ev îdîa hêj ji aliyê çavkaniyên serbixwe ve nehatiye piştrastkirin.
Çalakiyên hevdem hatin kirin
Çavkaniyan ragihand ku li dijî sengerên hêzên Hikûmeta Demkî yên li Derayê û bi taybetî yên li bajaroka el-Hirakê bi awayek hevdem êrişên mûşekên RPG pêk hatine. Hate zanîn ku di dema pevçûnan de li Busra el-Şamê çend erebeyên hêzên Hikûmeta Demkî hatine şewitandin.
Hikûmeta Demkî qedexe ragihand lê agahî neda
Ji aliyê din ve konvoyeke leşkerî ya girêdayî Hikûmeta Demkî bi boneya pevçûnan ber bi Derayê ve hatiye şandin. Çavkaniyan ragihand ku piştî ku hêzên Şamê gihîştin herêmê li gelek bajarokên gundewarê Derayê qedexeya derketina kolanan ragihandine.
Hate zanîn ku rewşa ewlehiyê li herêmê hêj nezelal e û tê gotin ku carinan dengên çekan hîn jî tên bihîstin. Heta niha ji aliyê Hikûmeta Demkî ve daxuyaniyeke berfireh li ser bûyeran nehatiye dayîn.
