Nûnerên KESKê ji bo KHKliyan ji Amedê ber bi Enqereyê ve dest bi meşê kirin. Hevserokê Giştî yê KESKê Ahmet Karagoz diyar kir ku ji bo ew li dijî şer in, ji ber xebatên xwe hatine îxrackirin.
https://www.youtube.com/watch?v=mX4Oz0GGNaU
Platforma Konfederasyona Sendikaya Karkerên Cameweriyê (KESK) ji bo kesên ku bi rêya KHKê ji karê xwe hatin dûrxistin, bi şîara “Em ê karê xwe paşve bistînin” ji Amedê ber bi Enqereyê ve dest bi meşê kir. Meş dê 5 rojan berdewam bike. Meşa kedkarên Cemaweriyê, ji Amedê dest pê kir. Dê paşê ber bi Riha, Semsûr, Dîlok, Edenê û Mersînê ve bidome. Meş dê li Enqereyê bi dawî bibe. Meşvan ewil li Qada Şex Seîdê kom bûn û heta edliya Amedê meşiyan. Di meşê de pankarta “Li dijî bêhiqûqî em dimeşin” vekirin û dirûşma “Bijî Berxwedana Kedkaran” berzkirin. Di meşê de Hevserokê Giştî yên KESKê, parlamenterên partiyên siyasî, endam û rêveberên KESKê û gelek kes amade bûn. Girse dema ku hat pêşiya edliya Amedê daxuyanî dan. Hevseroka Şaxa BESê ya Amedê Guneş Ozel daxuyanî da.
‘Dema OHALê 125.612 kes bi KHKê ji kar dûr xistin’
Guneş Ozel diyar kir di ser OHALê re 7 sal borîn, bê bandora vê hêj jî berdewam dike û got: “Dema OHALê 125.612 kes bi rêya KHKê ji karê xwe dûr hatin xistin. 4259 ji wan girêdayî sendikayên KESKê bûn. Piştî van îxracan gelek kesan jiyana xwe dest dan. Hin jî wan paşê biryara vegera kar hat danîn. Lê tu berpirsiyar nehat darizandin.”
‘Faliyetên sendîkayî ne sûc e’
Guneş Ozel destnîşan kir ku îro darazî di bin destê desthilatdariyê de ye û ev tişt got: “Tu mafê sendikayî tune ye. Ji bo na wê em li Amedê heta Enqerê dest bi meşê dikin. Em ê daxwazê xwe bikînin Meclisa Bilind a Tirkiye yê û Wezareta Dadê. Em dibêjin faaliyetên sendîkayî ne suc e, bila kesên KHKyî vegerin li ser karê xwe.”
Piştî daxuyaniyê Hevserokê Giştî yê KESKê Ahmet Karagoz axivî û diyar kir ku wa heta îro dengê xwe bilind kir lê nehat bîhistin û wiha axivî: “Gelek hevalên me hatin îxrackirin. Lê sedem nehat gotin. Em li vir dibêjin ji bo em dijî şer in, li gel gelê Kurd in, ji bo faaliyetên sendîkayî em hatin ixrackirin. Gotin KESK bitirsê lê pêşiya wa KESK heye, îro ev dîmen nîşan dide.”
Piştî daxuyaniyê meşvan ber bi Rihayê ve rê ketin.
