Neteweyên Yekbûyî da zanîn ku biryara Îsraîlê ya qedexekirina saziyên navneteweyî yên alîkariyê naye qebûlkirin û ev hewldaneke cihêkariyê ya li dij Filistîniyan e û binpêkirina yasayên navneteweyîne.
Komîserê Bilind ê Mafên Mirovan a NYê Volker Turk derbarê biryara darvekirinê û qedexekirina saziyên alîkariyê ya li Şerîda Xezayê ji bo parlamentoya Îsraîlê hatiye peşniyarkirin, hişyariyeke tund nîşan da. Heke ev herdu yasa bên erêkirin dê saziyên ji bo alîkariyê li Şerîda Xezayê alîkariyê li gelê Filistînê belav dikin, bên qedexekirin û filistînî hema rasterast bên bidarvekirin. Ev jî dê bibe karesata ser karesata mirovî ya li Şerîda Xezayê.
Yasayên navneteweyî nabe ku wisa bên binpêkirin
Komîserê Bilind ê Neteweyên Yekbûyî bang li Îsraîlê kir ku demildest dev ji van yasayên xeternak berde. Komîserê Bilind da zanîn ku ev yasa rasteras dijberiya Filistîniyan dike, yasayên wisa pîvanên mafên mirovan binpê dike û derbarê dadweriyê de jî cihêkariyeke mezin e. Valkan Turk xwest ku yasa li gor rûknê wekhevî û ji holê rakirina cihêkariyê werin çêkirin, ne li gor nasnameya etnîkî û nijadî.
Armanc darvekirina girtiyên filîstînî ye
Di Parlamentoya Îsraîlê de di Mijdara 2025an de xwendina yekem a pêşnumeya yasaya sizayê ya bidarvekirinê pêk hatibûn. Ev yasa rasterast ji bo girtiyên filistînî ye û di parlamentoyê de piştî xwendina yekemîn pêk hat û şûnve hat erêkirin. Heke ev yasa cara duyemîn û sêyemîn jî bê xwendin û bê erêkirin dibe yasayeke teqez û dikeve meriyetê.
