58emîn Mîhrîcana Çand û Hunerê ya Şaredariya Tetwanê di roja xwe ya 6emîn de li perava Gola Wanê bi konsereke coşber dewam kir. Di şevê de hunermend Mirad Demîr, Eylul Nazlier û koma Siya Şevê derketin ser dikê û bi hezaran welatiyan re stran gotin.
Roja 6emîn a mîhrîcanê li Qada Çalakiyê ya li Perava Gola Wanê bi tevlîbûna bi hezaran welatiyan û heskerên hunerê birê ve çû. Di bernameya konsera vê şevê de hunermend Mirad Demîr, Eylul Nazlier û koma muzîkê Siya Şevê derketin ser dikê.
Mîhrîcan bi awayekî hestgerm di nav coşa gel de hat jiyîn. Hunermendan bi kilam û awazên xwe yên bedew mohra xwe li şevê xistin û kêliyên tijî coş dan jiyîn.
Bernameya sibê
Roja 7emîn a Mîhrîcana Çand û Hunerê ya Tetwanê dê dîsa bi bernameyeke dewlemend a muzîkê berdewam bike. Di konsera sibê de tê payîn ku hunermend Servet Kocakaya, Ayfer Duzdaş û Koma Bajar derkevin ser dikê û berhemên xwe pêşkêşî gel bikin.
