Amed – Meclisa Ciwanan a DEM Partiyê bi minasebeta 4ê Nîsanê roja rojbûna Rêberê Gelê Kurd Abdullah Ocalan bi şiyara “Bi civaka demokratîk em ber bi azadiyê ve dimeşin” dimeşin Amarayê. Ciwanên beşdarî meşê bûn, anîn ziman ku ew ji bo azadiya fizîkî ya Rêberê Gelê Kurd Abdullah Ocalan dimeşin.
Bi minasebeta 4ê Nîsanê roja rojbûna Rêberê Gelê Kurd Abdullah Ocalan li her aliyê Kurdistanê û Tirkiyeyê gelek pîrozbahî têne lidarxistin. Kurd di 76emîn salvegera rojbûna Rêberê Gelê Kurd Abdullah Ocalan de azadiya fizikî dixwazin. Meclisa Ciwanan a DEM Partiyê jî bi şiyara “Bi civaka demokratîk em ber bi azadiyê ve dimeşin” 2 roj in dimeşin Amarayê. Endamên Meclisa Ciwanan a DEM Partiyê di 1ê Nîsanê de ji her aliyên Kurdistanê hatin li Qada Şêx Seîd a Amedê kom bin û dest bi meşe kirin. Ciwanên ku tev li meşe bûn li ser armanca meşê ji Ajansa Welat (AW) re axivîn.
‘Ji bo azadiya Rêberê Gelê Kurd dimeşin’
Meşvan Îbrahîm Dalar ku 2 roj in dimeşe, diyar kir ku ji bo meşê ji Wanê hatiye û wiha got: “Ez endamê Meclisa Ciwanan a DEM Partiyê me. Ez ji bo azadiya Rêberê Gelê Kurd tev li meşê bûme. Em ê ji bo azadiya fizikî ya Rêberê Gelê Kurd Abdullah Ocalan têbikoşin. Ez di serî de cejna Rêberê Gelê Kurd Abdullah Ocalan û gelê Kurd pîroz dikim. Em li Amedê kom bin û dimeşin Amarê. Ev meş ji bo me gelek girîng e. Ji her derê Kurdistanê ciwan hatin Amedê. Em gelek keyfxweş in ku em dimeşin Amarayê. Rêberê Gelê Kurd pîroz bikin. Em ê teqez bi ser bikevin.”
‘Meşa me meşa azadiya fizîkî ya Rêzdar Abdullah Ocalan e’
Ciwanên navê Ahmet Pogê diyar kir ku ji bo azadiya Rêberê Gelê Kurd Abdullah Ocalan her dem di nav têkoşîne de ne û got: “Em ji Êlihê hatin tev li meşê bûn. Em gelek bi kelecan in. Em dimeşin Amarayê. Ji bo azadiya Rêberê Gelê Kurd Abdullah Ocalan dimeşin. Gelek ciwanên ji gelek bajarên Kurdistana Bakur hatin tev li meşê bûn. Ev meş ji bo gelê me gelek giring e. Meşa me meşa azadiyê ye. Ev meş ji bo azadiya Rêberê Gelê Kurd Abdullah Ocalan e. Azadiya Rêberê Gelê Kurd dê bandora xwe li tevahiya cîhanê bike. Ji bo wê divê devlêta Tirkiyeyê banga birêz Abdullah Ocalan bibîne û li gora wê tevbigerê. Heta dawiyê em ê ji bo azadiya Rêberê xwe li qadan bin.”
