Peyvên “Xalê Behçet”, “Şaredariya Xelfetiyê” û “Jin kart” ên bi Kurdî ku cara yekemîn di girtekên Meclîsê de hatin tomarkirin, lê piştî nûçe belav bûn Meclîsê girtekên xwe ji nûjen kir û peyvên Kurdî jê bir
Budçeya Wezareta Karên Navxweyî ya 2026an li Komîteya Plankirin û Budçeyê ya Parlamentoyê tê nîqaşkirin. Piştî pêşkêşkirina budçeyê ji aliyê Wezîrê Karên Navxwe Alî Yerlîkaya ve, parlamenteran dest bi axaftinên xwe kirin. Parlamentera Partiya Wekhevî û Demokrasiyê ya Gelan (DEM Partî) ya Rihayê Dîlan Kunt Ayan di hevdîtina budçeyê de axivî. Peyvên Kurdî yên ku ji aliyê Dîlan Kunt Ayan ve hatin gotin, cara yekem di girtekên Meclîsê de hatin tomarkirin.
Peyvên wek, “Xalê Behçet”, “Şaredariya Xelfetiyê” û “Jin kart” di girtekên komîsyona budçeyê de hatine tomarkirin. Lê balkêş bû ku dirûşmeya, “Jin jiyan azadî” bi awayekî (…) hat tomakirin.
Piştî ku nûçe derbarê van peyvan de belav bûn, çend seatan şûn ve Meclîsê girtekên xwe ji nû kir û û peyvên Kurdî jê bir û weke “Peyvên ne bi Tirkî” tomar kir.
