Meclîsa Ekolojiyê ya Amedê derheqê şewata ku di 15ê tebaxê de li deşta Fîsê ya navçeya Licê derketibû lêkolîn kir û dê rapor amade bike.
Li deşta Fîsê ya navçeya Licê ya Amedê di 15ê tebaxê de agir derkeribû. Gelek dar û daristan şewitibû û gelek ajalên gundiyan jiyana xwe dest dabûn. Meclîsa Ekolojiyê ya Amedê û Licê serdana gundiyan kir û derheqê agir ji şeniyên herêmê ve agahî stand û anket çêkir. Meclîsa Ekolojiyê li cihê bûyerê li ser sedema şewatê lêkolîn kir. Meclîs piştî lêkolînê dê raporê amade bike û ji raya giştî re parve bike. Di lêkolîne de endam û rêveberên meclîse û gelek ekolojîst tev li bûn.
Ekolojistan li gundên Pirik, Huseynîq, Êngûl, Firdewsê, Babidinê yên Licê serdana şeniyên gundan kir û têkildarî agir pirs pirsîn û têkildarî lêkolînê paşê dê raporê amade bike. Şeniyên herêmê diyar kirin ku şewat ji ji ber DEDAŞ û dewletê derketiye. Gundiyan xwestin ku dîrekên ceyranê bên tamîrkirin û gotin: “Me bi destê xwe mûdaxeleyî şewatê kir. Ajalên me jiyana xwe dest dan. Divê zirarên me pêşwazî bikin. Her wiha pştî şewatê ava me ziwa bû.”
