Malbatan bi wesîleya Cejnsa Remezanê serdana gorên zarokên xwe yên li Goristana Yenîkoya Amedê kirin.
Dema ku cejn tên gelê Kurd diçê serdana goristanan û cejna cangoriyên xwe pîroz dike. Her sal bi hezaran kes tev li van serdanan dibin. Malbatên ku zarokên wan di têkoşîna azadî û doza Kurdistanê de canê xwe ji dest dane, diçin serdana goristanan. Bi hezaran malbatên li Amedê bi wesîleya Cejna Rêmezanê bi girseyî çûn serdana gorên zarokên xwe yên li Goristana Yenîkoyê ya Amedê.
‘Em cejna şehîdên xwe pîroz dikin’
Hevserokê MEBYA-DERê Mehmet Emîn Kiliç axivû û diyar kir ku şopa cangoriyên wan şopa wan e û û wiha axivî: “Em îro li ser gorên şehîdên xwe ne. Gelê Kurd bi tunekirinê re rû bi rû mabû lê van lehengan canê xwe ji bo gelê feda kirin û Kurd carek din zindî bûn. Em wan bi rêzdarî bi bîr tînin, cejna wan pîroz dikin. Em dixwazin dilsozî ruhê şehîdan bimînin. Ev gel wê tu carî we ji bîr neke. Bi xwîna we vîna gel gihiştiye vê astê. We gelê xwe ji komkujiyan rizgar kir. Em li ber keda we bejna xwe ditewînin.”
Piştî axaftinê malbatan dirûşma “Şehîd namirin”, “Ey şehîd xwîna te li erdê namîne” berz kirin.
Malbat li ser goran geriyan û bi wesîleya cejnê şekirên eydê li xelkê belav kirin. Li ser goran dua û fatîha hatin xwendin.
Serdan bi deqîqeyek rezgirtinê bi dawî bû.
