Şirnex– Malbata Urek ji bo kurê xwe yê endamê PKKê Mehmet Urek şîn danî. Nûnerên partî û saziyan bi girseyî serdana şînê kirin.
Li navçeya Silopya ya Şirnexê ji bo endamê PKKê Mehmet Urek (Cûma Goyî) ku di 12ê çileya 2025an li Qadên Parastinê yên Medyayê jiyana xwe ji dest dabû şîn hat danîn. Di nav de Parlementerê Şirnexê yê DEM Partiyê Zekî Îrmez, hevserok û rêveberên DEM Partî û DBPê yên Şirnex û navçeyên wê, Dayîkên Aştiyê, aktîvîstên TJAyê, MEBYA-DER, TUHAD-FEDê hilbijartiyên şaredariyên Silopya, Cizîr, Hezex û Gundikê Melê û gelek welatî tevlî şîna Urek bûn.
Hevserokê şaxa MEBYA-DERê ya Şirnex Serhat Kuçuk di serdana şînê de ani ziman ku cangoriyê azadiyê Urek ne yê yekemîn e lê hevî dikin ê dawiyê be. Serhat Kuçuk ji gelê Kurd û malbata Urek re sersaxî xwest.
Piştî Serhat Kuçuk, Parlementerê DEM partiye yê Şirnex Zekî Îrmez sersaxî ji malbatê û hemû gelê Kurd re xwest û got: “Cangoriyên azadiyê ji bo gelê me bi zimanê xwe, bi çanda xwe azad bijî ev bedel dan. Ji bo gelê Kurd azad bijî berê xwe dan vê rêya pîroz. Ji bo ku xeyal û armancên wan pêk em ê her tim têkoşîna xwe bidin.”
Malbatê jî anî ziman ku Cuma Goyî tenê ne şehîdê wan, ew şehîdê hemû Kurdistanê ye.
Piştî axaftinan serdana şînê bi duayan xelas bû.
