Li Wanê heqê rêya nava bajêr ji sedî 17 hat zêdekirin. Ajokaran ev zem weke hewceyî nirxand, welatiyan jî bertek nîşanî bihakirina heqê rê dan.
Li Wanê heqê çûnêhata li nava bajêr ji sedî 17 hate zêdekirin. Ev zêdebûna heqê rê, ji ber faktorên wekî zêdebûna lêçûnan û zêdebûna mûçeya kêmtirîn-meaşê asgarî hat kirin. Beriya zemê li Wanê heqê rê ya kesekê/î 20 lîre bû, xwendevan jî 15 lîra bû. Piştî zema serê salê heqê rê ji bo kesekê/î bû 26 lîre û ji bo xwendekaran jî bû 18 lîre.
Ajokarên dolmîşan û welatiyan derbarê bihakirina heqê re de ji ajansa me re axivîn û bertek nîşanî zemê ango bihakirina heqê rê dan. Ajokaran anî ziman ku her roj mazot û benzîn, malzemeyên sanayiyê û hwd. biha dibin û ev bihakirina heqê rê ji mecbûrî hatiye kirin. Welatiyan jî destnîşan kir ku ev bihakirina heqê rê pirr zêde ye û ew nikarin 26 lîreyan bidin heqê rê.
