Li gundên Semsûrê mezein derket. Gundiyan îdia kirin ku şewat ji ber teqîna kana kevir derketiye. Agir gihîştiye ber deriyê malan û mudaxeleya heyî têrê nake. Şêniyên herêmê banga hevkariyê û alîkariya lezgîn li hemû saziyan û gel kirin.
Li herêma Semsûrê şewatek mezin derket. Gundiyên li herêmê îdia kirin ku şewat ji ber teqînînên kana kevir a li herêmê derketiye û bi lez belav dibe. Her wiha ji ber nebûna derfetan rewş her ku diçe girantir dibe.
Gund û mal di xetereyê de ne
Agir bi taybetî li herêm û gundên Fehrîkan, Dilkan, Mala Qasa û Mala Bawayê belav bûye û rasterast gefê li qadên nîştecihbûnê dixwe. Şewata ku bi bayê re mezin dibe, xaniyên gundiyan ketine bin xeteriyeke mezin û şewat nêzî ber deriyan bûye.
‘Pêwîstiya lezgîn bi agirkujî û tankeran heye’
Hate ragihandin ku gelê herêmê bi derfetên xwe yên kêm mûdaxeleyî şewatê dike, lê ji ber berfirehiya alavên şewatê ev hewldan kêm dimînin. Şêniyên gundan diyar kirin ku pêwîstiya wan a herî krîtîk û lezgîn bi wesayîtên agirkujî û tankerên avê heye.
Banga seferberiyê û piştevaniyê
Ji bo ku karesateke mezintir çênebe û can û malên welatiyan zêdetir zirarê nebînin, banga seferberiyê hate kirin. Gundiyan bang li hemû saziyên peywendîdar kir ku bêyî ku dem winda bikin wesayîtên hewarçûnê û tîmên rizgarkirinê bişînin herêmê. Her wiha bang li hemû welatiyan û saziyên civakî hate kirin ku di çarçoveya derfetên xwe de piştgirî û piştevaniyê bidin gundên Semsûrê.
Hate destnîşankirin ku di vê rewşê de her deqeyek girîng e û mûdaxeleya derengmayî dikare bibe sedema karesatên nû.
