Parlementera Sêrtê Sabahat Erdogan Saritaş daxwazname da Meclîsa Tirkiye û xwest li ser Newala Qesaba Lêkolîna Meclîsê bê destpêkirin.
Parlementera DEM Partiyê ya Sêrtê Sabahat Erdogan Saritaş derbarê Newala Qesaba de daxwaznameyek lêkolînê da Meclîsa Tirkiye û xwest ji aliyê meclîsê ve komîsyonek lêkolînê bê kirin. Saritaş di daxwaznameya xwe de got ku ew dixwaze îdeayên gorên komî ku ketine nava dosyayên Serdozgeriya Sêrtê de jî werin lêkolînkirin.
Sabahat Saritaş anî ziman ku li Newala Qesaba îdeayên gorên komî bi salan e berdewam dikin û got: “Li vê herêmê definkirina goran a bê ûsûlî heye. Divê ev yek were lêkolînkirin. Divê xebatên vekirina îmarê ya vê herêmê were sekinandin û li gor kanûnên navneteweyî kolana vê herêmê pêk were û herêm bi awayek rêk pêk were lêkolînkirin. Ez dixwazim li gorî xalên makezagonê yên 98. 104. û 105 lêkolîn were kirin û ev herêm bibe herêmek taybet ya bîrdariyê.”
