Serokkomarê Iraqê dihat payîn ku îro were hilbijartin. Ji ber YNK û PDKê di mijara diyarkirina serokkomar de li hev nekirin rûniştina Parlamentoya Iraqê hate taloqkirin.
Parlamentoya Iraqê ji bo Serokkomar hilbijêre civiya. Lê belê ji ber ku piraniya endamên parlamentoyê beşdarî civînê nebûn serokkomar nehat hilbijartin. Li gorî agahiyan, rûniştina parlamenoyê ya ji bo hilbijartina serokkomarê nû ji demeke pêş ve hat taloqkirin.
Hefteya derbasbûyî jî Parlamentoya Iraqê ji bo hilbijartina serokkomarê nû li hev civiya; lê belê li ser daxwaza YNK û PDK’ê rûniştin hatibû taloqkirin.
Heta niha YNK û PDKê li ser mijarê li hev nekirine. YNK dibêje, divê namzetê serokkomariyê ji partiya wan be, PDK jî kursiya serokkomariyê dixwaze. Bi kurtasî ji ber ku her du partiyên Kurd di nava xwe de li hev nekirin û ji bo serokkomariya Iraqê namzetekî hevpar diyar nekirin, xeterî heye ku meqamê serokkomariyê ji destê wan biçe.
