Komîteya Berdana Girtiyên Siyasî ragihand ku ji ber hilweşîna rêveberiya li girtîgehê û kêmaniya pêwîstiyên bingehîn metirsiyeke cidî li ser jiyana bi hezaran girtiyan heye.
Li gorî agahiyên komîteyê ji rayagiştî re parve kiriye, pergala îdarî ya li girtîgehan têk çûye, xebatkaran cihên karê xwe terikandine û derî li girtiyan hatine girtin. Komîteyê, da zanîn ku ji ber belavkirina xwarinê hatiye sekinandin, kantîn hatine girtin û peywendiyên girtiyan bi dinyaya derve re nîne, bi hezaran girtî bi metirsiyeke cidî re rû bi rû ne. Komîteyê bang li saziyên mafên mirovan û raya giştî ya navneteweyî kir ku ji bo girtiyan tavilê xwarin û vexwarin bên dayin, xizmeta tenduristiyê bê dayin û derfet bên dayin ku bikarin bi malbatên xwe re peywendiyan deynin. Her wiha hate xwestin ku şert û mercên girtîgehan ji hêla saziyên serbixwe ve bê lêkolînkirin.
