TJAyê gerîlaya YJA-STARê Ekîn Wan a ku li Gimgimê di şerekî de jiyana xwe ji dest dabû, li cîhê ku lê hatibû kuştin bi daxuyaniyekî bibîr anî.
Tevgera Jinên Azad (TJA), gerîlaya YJA-STARê Ekîn Wan (Kader Kevser Elturk) ku di 10 Tebaxa 2015an de li Gimgimê di şerekî de jiyana xwe ji dest dabû û piştre bedena wê ji aliyê hêzên dewletê ve hatibû teşhîrkirin, li cîhê ku lê hatibû kuştin, bi daxuyaniyekî bibîr anî. Aktivîstên TJAyê û hevserokên DEM Partî û DBPê ên Mûş û Gimgimê tev li bîranînê bûn. Bîranînê bi deqeyek rêzgirtina ji bo cangoriyên têkoşîna azadiyê ede jiyana xwe ji dest dane dest pêkir. Jinan qurnefîl danîn cihê ku Ekîn Wan lê hatibû qetilkirin.
Li ser navê Tevgera Jinên Azad (TJA) Hevseroka DEM Partiyê ya Mûşê Çîçek Tûtûş axivî. Çîçek Tûtûşê da zanîn ku di sala 2015an de li Gimgimê êrîşeke qirêj li ser gerîlayeke jin hat meşandin û got: “Êşkence li bedena wê hat kirin. Wêneyên bedena wê li ser medyaya dîjîtal hatin parvekirin. Versîyoneke hişmendiya DAIŞê me li vê derê dît. Di şeran de herî zêde jin dibin hedef û bedena wan tê teşhîrkirin.”
Çîçek Tûtûş di berdewama axaftina xwe de diyarkir ku Di 27ê Sibata 2025an de li ser banga Rêber Abdullah Ocalan pêvajoyekî dest pêkir wiha domand: “Ev nêzî 2 salan e kes jiyana xwe ji dest nade, êş nayên jiyîn, em hêvîdarîn ku îro şûn de êdî tu êş neyê jiyîn.”
Bîranîn bi dirûşmên “Şehîd namirin” û “Jin jiyan azadî” û bi çepikan bi dawî bû.
