Di çarçoveya lêpirsîna ku li ser Şaredariya Bajarê Mezin a Îzmîrê tê birêvebirin de, Hur Agbaba yê ku birayê Parlamenterê YENÎ Partiyê Velî Agbaba ye û kesekî din hatin binçavkirin.
Di çarçoveya lêpirsîna ‘gendeliyê’ ya ku li ser Şaredariya Bajarê Mezin a Îzmîrê tê birêvebirin de, Hur Agbaba yê ku birayê Parlamenterê Partiya YENÎ yê Meletiyê Velî Agbaba ye û kesek din hatin binçavkirin.
Hate zanîn ku Hur Agbaba yê ku derbarê wî de biryara binçavkirinê hebû, li Meletiyê û kesê din jî li Amedê hatine binçavkirin.
Serdozgeriyê îdia kir ku “her du kesên hatine binçavkirin bi Rêveberê Giştî yê Egeşehirê yê ku berê hatibû girtin Suleyman Ekîncî re di nav pêwendiyê de bûne.”
Karûbarên kesên hatine binçavkirin ên li emniyetê dewam dikin.
Fezleke hate amadekirin
Ji aliyê din ve, duh êvarê ji aliyê Serdozgeriya Komarê ya Enqerê ve derbarê Serokê Giştî yê Partiya YENÎ Ozgur Ozel û Parlamenterê YENÎ Partiyê Velî Agbaba de fezleke hatibû amadekirin.
Fezlekeya hatibû amadekirin ji Wezareta Dadê re hate şandin. Hatibû xwestin ku parêzbendiya Ozgur Ozel û Velî Agbaba bê rakirin.
