Endamê Egîtîm-Senê Mesût Aslan li dijî destdirêjiya li ser zarokan pêk tê û bêcezatiya li ser kesên tacîzkar dest bi çalakiya birçîbûnê kiriye û greva Aslan di rojan 6an de berdewam dike.
Li navçeya Cizîr a Şirnexê sala 2019an alîkarê gerînendeya dibistanê Bûrak Ercan tacîzî 38 xwendekaran kirirîbû. Piştî bûyerê doz li Bûrak Ercan hat vekirin. Dadgehê 3 sal û 9 meh ceza li Bûrak Ercan birî. Li ser îtîraza parêzerê Bûrak Ercan dadgeha herêmî ya Amedê cezayê hatibû birîn xera kir. Li ser vê yekê Mamoste û Rêveberê Şaxa Egîtîm-Senê ya Şirnex Mesût Aslan dest bi girêva birçîbûnê kir. Aslan di 9ê Coymetê de li Enqereyê dest bi girêva xwe kir û niha li avahiya Egîtîm-Senê ya şaxa Cizîrê çalakiya xwe berdewam dike.
Dadgeh û rayedar tacizkaran diparêze
Mesût Aslan diyar kir ku heya kesên destdirêjiyê li hember zarokan pêk tînin neyên cezakirin çalakiyê wî dê berdewam bike û wiha axivî: “Li welatê me her roj buyerên destdirêjiya li ser zarokan diqewimin û ev kesên derstdirêjiyê dikin bê ceza dimînin. Her wiha dadgeh û rayedar van kesan diparêze.”
Li hember destdirêjiyê bêdeng nemînin
Mesût Aslan di berdewama axaftina xwe de bang li gel kir ku xwedî li zarokên xwe dervekin û axaftina xwe wiha bi dawî kir: “Ev kesê destdirêjî li ser zarokên me kirî hê jî li ser kar e. 20ê mijdarê doza vî kesî li Cizîrê pêk tê. Ez bang li hemû saziyên demokratîk û gel dikim ku her roj ji bo zarokan bibin deng û xwedî li zarokên xwe derkevin. Her wiha li hember van pêkanînan bê deng nemînin.”
