Li gundê Remokê yê navçeya Dêrikê, zarokê 11 salî Selahattîn Karayel winda bû. Ji bo dîtina Karayel xebatên lêgerînê hatin destpêkirin.
Li gundê Remokê girêdayî navçeya Dêrikê ya Mêrdînê, zarokê 11 salî yê bi navê Selahattîn Karayel duh li dora saet 14.00an ji malê derket û şûnde tu agahî jê nehat girtin.
Li gorî agahiyên ku malbatê da, Selahattîn Karayel herî dawî li ber mizgefta gund hatiye dîtin û piştî wê winda bûye. Piştî ku agahdarkirina malbatê cenderme û ekîbên AFADê hatin gund û li herêmê dest bi xebatên lêgerînê kirin.
Hat ragihandin ku xebatên lêgerînê yên ji bo dîtina Selahattîn Karayel li gund û derdora wê bênavber berdewam dikin.
