Li navçeyên Şemrex û Dêrikê yên Mêrdînê, di bîranînên ji bo tekoşerên ku di dem û cihên cuda de jiyana xwe ji dest dane hatine vekirin bi awayek girseyî hatin ziyaret kirin. Di serdanan de soza bicihanîna armancên şehîdan hate dubarekirin.
Ji bo Mehmet Abak ê ku di têkoşîna azadiya Kurdistanê de şehîd bibû li gundê Şewaşî yê navçeya Şemrexê, ji bo Selim Ata li navenda Şemrexê û ji bo Barış Tekin jî li gundê Qûmterê yê navçeya Dêrikê bîranîn pêk hat. Serdanên ji bo cihê bîranînan bi girseyî berdewam dikin.
Gel bi sloganên ‘şehîd namirin’ serdan kir
Bîranînên bi pêşengiya MEBYA-DERê hatin organîzekirin ji hêla bi sedan kesî ve hatine ziyaretkirin û ji bo şehîdan rêz hate girtin. Ji bilî nûnerên partiyên siyasî û rêxistinên civakî yên sivîl, bi sedan welatî tevlî bîranînan bûn. Di dema serdanan de girseyê bêavber diruşmeyên “Şehîd namirin” û “Bijî Serok Apo” berz kirin. Serdanên bîranînan piştî pêşkêşkirina peyamên sersaxiyê yên ji bo malbatên şehîdan bi dawî bûn.
