Şirnex- Li Herêma Sefîne ya Cûdî welatiyên ku xwestin biçin ser cihê keştiya Hz. Nûh bertek nîşanî astengkirina leşkeran da û benda leşkeran şikandin.
Li Herêma Sefînê ku dikeve aliyê Çiyayê Cûdî û tê gotin keştiya Hz. Nûh li vir daniye, salê rojekî destûr tê dayîn ku ji aliyê welatiyan ve were ziyaretkirin. Bi hezaran welatiyên ji navenda Şirnex, navçeyên wê û bajarên derdorê berê xwe dane Herêma Sefîneyê di rê de perîşan bû.
Welatiyên ku xwestin biçin Herêma Sefîneyê ji aliyê leşkeran ve hatin astengkirin û ji welatiyan re hate gotin ku heya bernameya Walîtiya Şirnex ku ew jî li Herêma Sefînê ye, neqede, nikarin biçin cihê Keştiya Hz. Nûh (Sefîneyê). Li ser vê yekê welatiyan bertek nîşan da û benda leşkeran qetand û çûn ser Herêma Sefîneyê.
Dema welatî gihiştin ser Herêma Sefîneyê rastî Serokê Meclîsa Tirkiyeyê Nûman Kûrtûlmûş hatin û bertek nîşanî organîzasyona Bîranîna Hz. Nûh a ji aliyê Walîtiya Şirnexê û Şaredariya Şirnexê ve amadekirin, dan.
