Li gorî nûçeyên ku îro ajansên ANHA û Rojnewsê derbas kirin, Tirkiyeyê bi SÎHA û obusan axa Başûr û Rojavayê Kurdistanê dan ber top û bombeyan. Nêzî 20 caran li herêmê top û bombe barandin. Di encama êrîşan de 6 welatî hatin kuştin û gelek welatî jî birîndar bûn.
Li gorî ajansan agahiyên topbaran û bonbebaranê wiha ne:
*Li gorî agahiyên ajansa me bi dest xistine, balafireke bêmirov a dewleta Tirk bajarê Eyn Îsyê yê Herêma Bakur û Rojhilatê Sûriyeyê bombebaran kir.
*Li gorî agahiyên çavkaniyan ji herêmê dane, balafirên şer ên dewleta Tirk gundên Tîna, Bîr Hiso, Xesiq û Sepet depoyên genim ên bajarê Sirînê yên girêdayî başûrê Kobanê bombebaran kirin.
*Balafireke bêmirov û biçek a dewleta Tirk li devera bajarokê Çiwarqurnê yê Raperînê wesayîteke sivîlan bombebaran kir. Hate zanîn ku di encama êrişê de 4 welatî hatin kuştin û welatiyek jî birîndar bû.
*Li gorî agahiyên ji herêmê hatine bidestxistin, balafireke bêmirov a dewleta Tirk gundê Um El Sehracî ê dikeve rojavayê bajarê Eyn Îsayê yê kantona Firatê bombebaran kir.
*Li gorî agahiyên hatine bidestxistin, derdora Bendava Tişrînê ya başûrê Kobanê bi balafirên şer ên dewleta Tirk hat bombebarankirin.
*Li gorî agahiyên ANHA bi dest xistine, artêşa tirk bi çekên giran gundên Saramide, Siwêdiyê, Mişêrfê, Hec Hesen û Taîs ên gundewarê rojhilatê bajarê Eyn Îsayê topbaran dikin.
*Li gorî agahiyên ku nûçegihanên ANHAyê ji herêmê ragihandine, dewleta tirk êrişî gundên El Gazlî, El Hewîcê û El Heco ên li başûrê bajarê Silûkê yê kantona Firatê kirin. Nûçegihanên ANHAyê diyar kir ku gundên navborî bi obîsan tên topbarankirin.
*Li gor Rojnewsê, balafirên şer ên dewleta Tirk bajaroka Dînarte ya ser bi Akrê bombebaran kirin. Di encama êrişê de 2 welatiyên ku hevjînên hevin jiyana xwe ji dest dan.
*Artêşa dewleta Tirk navenda bajarê Zirganê toparan kir. Li gorî agahiyan navenda bajar bi obîsan topbaran kirin. Li gundê Rebîatê yê di navbera Zirgan û Til Temirê de stasyona sotemeniyê topbaran kir.
