Kesên ku di erdheja 6ê Sibata 2023yan de jiyana xwe ji dest dabûn saet di 417an li ber kavilên Apartmana Sozelê ya li semta Ofîsê ya navçeya Bajarê Nû hatin bibîranîn.
Di salvegera erdheja mezin a 6ê Sibata 2023yan de Apartmana Sozelê ya li semta Ofîsê hilweşiyabû û bi dehan kes jiyana xwe ji dest dabûn. Ji bo kesên ku jiyana xwe ji dest dabûn merasîma bîranînê hat lidarxistin.
Parlamenterên DEM Partiyê yên Amedê Adalet Kaya û Halîde Turkoglu, parlamenterê CHPê yê Amedê Sezgîn Tanrikulu, hevşaredarên Şaredariya Bajarê Mezin a Amedê, hevşaredarên navçeyan, endam û rêveberên nûnerên saziyên sivîl û gelek kes tevlî bîranînê bûn.
Beriya ku merasîm dest pê bike, beşdaran li ser şûna Apartmana Sozelê ya ku di erdhejê de hilweşiyabû, mûm pêxistin û qaranfil danîn. Piştî danîna qaranfîlan, saet di 04:17an de ji bo kesên ku jiyana xwe ji dest dane deqîqeyek rêz girtin.
