Di Kûpaya Cîhanê de nîvefînal bi maça Fransa û Îspanyayê dest pê dike. Tîma bi ser bikeve dê derbasî fînalê bibe.
Kûpaya Cîhanê ya 2026 FIFAyê di navbera 11ê Hezîranê û 19ê Tîrmeha 2026an de li Kanada, Meksîka û Dewletên Yekbûyî yên Amerîkayê (DYA) tê lidarxistin. Ev tûrnûvaya dîrokî bi 48 tîman û bi giştî 104 maçan, yekem car e ku Kûpaya Cîhanê ji aliyê 3 welatan ve mazûvaniya wê tê kirin.
Kûpaya Cîhanê dê bi maça nîvefînalê bi kelecanî didome. Di maça yekemîn a nîvefînalê de, îro di saet 22:00an de li Stadyûma AT&T a Arlingtona Amerîkayê dê pêk were. Tîma ku bi ser bikeve dê derbasî fînalê bibe.
Fransa heta niha du gol xwariye
Fransa di Grûba Iyê de bi Senegal, Iraq û Norveçê re hate hemberî hev. Fransa bi 9 pûanan di rêza yekemîn de Gruba Iyê bi dawî kir. Piştî grûban Fransa di Tûra 32yemîn de Swîsre re hate hemberî hev û 3-0 Swîsre têk bir. Paşê di Tûra 16emîn de Fransayê Paraguaya bi 1-0 têk bir û derket çarîka fînalê. Fransa di çarîka fînalê de jî Fasê bi 1-0 têk bir û derket nîvefînalê. Di nîvefînalê de Îspanyayê jî Belçîkayê têk bir û bû reqîbe Fransayê. Heke Fransa Îspanyayê têk bibe, ev 3 car in ku li ser hev derbasî fînalê bibe. Di tûrnûvayê de Fransa heta niha tenê 2 gol xwariye.
Îspanyayê tenê golek xwariye
Îspanya di Grûba Hyê de li Cape Verde, Uruguay û Erebiya Sûûdî re hat hemberî hev û di rêza yekemîn de derbasî Tûra 32emîn bû. Îspanya di maça Tûra 32emîn de Avusturyayê bi 3-0 têk bir û derbasî Tûra 16emîn bû. Di Tûra 16emîn de jî Portekîz û Îspanya hatin hemberî hev û Îspanya Portekîzê bi 1-0 têk bir. Îspanya heta vê tûrê jî tu gol nexwaribû. Di çarîka fînalê de Îspanya Belçîkayê bi 2-1 têk bir û derket nîvefînalê. Di tûrnûvayê de Îspanya heta niha tenê golekê xwariye.
Futbolîzên stêrk ên Faransayê û Îspanyayê
Di tîma neteweyî ya Fransayê de Kylian Mbappe 8 gol avêtin, Osmane Dembele jî 5 gol avêt, her du listîkvan hêza herî xurt a Fransayê ne. Kylian Mbappe di tevahiya maçên Kûpayên Cîhanê de heta niha di 20 maçan de 20 gol avêtiye.
Di tîma neteweyî ya Îspanyayê de jî Lamine Yamal heye. Gelê Îspanyayê ji Lamine Yamal bi hêvî ye. Herî dawiyê Fransa û Îspanya di nîvefînala Lîga Netewan a ÛEFAyê de hatibûn hemberî hev û Îspanya Fransayê bi skora 5-4 têk biribû.
Fransayê berê Îspanyayê têk biriye
Fransa di Kûpaya Cîhanê de di salên 1998 û 2018an de bûbû şampiyon. Îspanya jî di sala 2010an de bûbû şampiyon. Her du tîm di Kûpayên Cîhanê de cara duyemîn e dê werin hemberî hev. Cara yekemîn di Kûpaya Cîhanê ya sala 2006an de Fransa û Îspanya hatibûn hemberî hev û Fransa bi 3-1ê Îspanyayê têk biribû.
